PM:05:30:14/10/2021
4332 جار خوێندراوەتەوە
+
-
پەیڤدارێ حکومەتا هەرێمێ
ڕاگەهاند، گرانبوونا بهایێ بەنزینێ ب سەدەما وێیەکێ یە كو ژ دەرڤە هاوردە دکەین و
دبێژیت ژی، دێ هەماهەنگیێ دگەل کەرتێ تایبەتدا کەین بۆ بهایی.
جوتیار عادل پەیڤدارێ
حکومەتا هەرێمێ ڕاگەهاند، بسەدەما وێیەکێ بەشەکێ زۆرێ بەنزینێ ژ دەرڤەی هەرێمێ دهێتە
هاوردەکرن کو گرێدای بهایێ پەترۆلێ بوو و د دەمێ دەربازبووی ژی دا بهایێ پەترۆلێ
لسەر ئاستێ جیهانێ بلندبوو، ئەو ژی بوویە سەدەمێ بلندبوونا بهایێ بەنزینێ.
ئاماژە ب وێیەکێ ژی
کر، هەناردەکرنا بەنزینێ بۆ هەرێما کوردستانێ لهندەک دەرازینکان هاتیە ڕاگرتن، ژبەر وێیەکێ بڕیارە وەزارەتا سامانێن
سروشتی سەرەدانا بەغدا بکەتن بۆ گۆتۆبێژان ب مەرەما چارەسەرکرنا بەشەکێ ژ
ئاریشەیان و ژ ئالیەکێ دی ڤە ژی هەماهەنگیێ بکەتن دگەل کەرتێ تایبەت بۆ وێیەکێ
پلانێن گۆنجای بۆ هاوردەکرنا بەنزینێ دانن هەیا کو د داهاتی دا قەیران دروست نەبیت.
دەربارەی نەفتا سپی ژی
جوتیار عادل نڤێسایە، وەزارەت د بزاڤێن چارەسەرکرن
و دابینکرنا نەفتا سپی دایە بۆ وەلاتیان.
ئەو ژی د دەمەکێ دایە، بتنێ چار رۆژ بسەر هەلبژارتنێن پەرلەمانێ
عێراقێ دا دەربازبووینە و و ل شوینا باشتربوونا ڕەوش و چارەسەرکرنا ژیارا خەلکی،
ڕاستەوخۆ وەزارەتا کارەبا هەرێمێ دوو رۆژان بەریا نها گوت، رێژا پێدانا کارەبێ دێ
هێتە کێمکرن و ئەڤرۆ ژی ل بەشەکێ زۆر ژ باژێر و باژاروکێن هەرێمێ بهایێ بەنزینێ ب
ئاوایەکێ بەرچاڤ بلندبوو.
ئەڤە ژ بلی وێیەکێ، کو
چەند سالە حکومەتا هەرێمێ ل هندەک دەڤەران نەفتا سپی پارڤەنەکریە یان ژی پاش ئێخستیە.