AM:11:12:14/10/2021
1836 جار خوێندراوەتەوە
+
-
پشتی دەربازبوونا چەند رۆژەکێن کێم بسەر پرۆسەیا
هەلبژارتنێن بەروەختێن عێراقێ، بهایێ پەنزینێ ل پشکەک ژ باژێر و باژێرکێن هەرێمێ ب
رەنگەکێ بەرچاڤ بلندبوو و ل هندەک ژ باژێر و باژێرکێن هەرێمێ شۆفێرێن تەکسی و مینی
پاسان خڕڤەبوونێن نەرازیبوونێ ئەنجامدان.
ئەڤرۆ پێنجشەمبی، نووچەگەهانێن ئێن ئاڕ تی ل باژێرێن
سلێمانیێ، رانیە، قەلادزێ، کۆیە و کەلار ڕاگەهاند، "دژی بلندبوونا بهایێ
پەنزینێ پشکەک ژ شۆفێران د ناڤ واندا شۆفێرێن تەکسی و مینی پاسان خڕڤەبوون و
نەرازیبوونا خۆ دەربڕی".
دەربارەی سەدەمێن بلندبوونا بهایێ ل باژێرێ سلێمانیێ،
نووچەگەهانێ ئین ئتڕ تی ل سلێمانیێ ڕاگەهاند، "سەدەمێ گرانبوونێ بۆ دانانا
باجێ لسەر سوتەمەنیێ ل دەرزاینکێن سنوری و باج ژێ وەرگرتن و قۆرخکاری ل سێکتەرێن
سوتەمەنیێدا، سەدەمێ سەرەکیێن بلندبوونا بهایێ پەنزینێنە".
بەریا نها ژی، سەرۆکێ لژنەیا وزە و سامانێن سروشتی ل
جڤاتا پارێزگەها سلێمانیێ ڕاگەهاند، پێشنیارا چەند رێکاران کریە، بۆ کێمکرنا بهایێ
پەنزینێ ژ وانژێ، نەهێلانا قورخکاری، دانان و دیارکرنا بهایی، دیارکرنا مفای کۆمپانیان،
پێدانا دەستهەلاتا ب پارێزگەهان و لادانا کۆمپانیێن مشەخۆر.
ناڤەڕاستا مەها دەربازبووی، وەزارەتا سامانێن سروشتیێن
عێراقێ بڕیارا رەوانەکرنا کوژمێ پێتڤیێ پەنزینێ بۆ هەرێمێ دەرکەت و پشترا
گەهشتەباژێرێن هەرێمێ، ئەڤێ ژی باندوری بەرچاڤ هەبوو لسەر کێمکرنا بهایێ پەنزینێ.
ئەڤە ددەمەکیدایە، دەمێ چەند مەهانە بهایێ پەنزینێ ل
هەرێما کوردستانێ ب رەنگەکێ بەرچاڤ بلندبوویە و هاوردەکرنا پەنزینێ باجەکا زێدە
ئێخستیە سەر.