AM:10:30:30/09/2021
1468 جار خوێندراوەتەوە
+
-
لژنا بلندا ئەولەکاریێ بۆ هەلبژارتنێن عێراقێ
ڕاگەهاند، بمەرەما پاراستنا برێڤەچوونا هەلبژارتنان، بەرێ سپێدەهیا رۆژا شەمبیێ
بەرواری ٩ی تشرینا ئێکێ هەیا بەرێ سپێدەهیا رۆژا دووشەمبێ بەرواری ١ی تشرینا ئێکێ
بۆ دەما دوو رۆژان عێراق دێ هەمی دەرازینکێن سنوری و بالەفڕخانەیان دائێخیت.
غالب عەتیى پەیڤدارێ لژنا بلندا ئەوەلەکاریێ
بۆ هەلبژارتنێن عێراقێ بۆ ئاژانسا فەرمی یا نووچەیێن عێراقێ ڕاگەهاند، بەرێ
سپێدەهیا رۆژا ٩ی تشرینا ئێکێ هەیا بەرێ سپێدەهیا ١١ی تشرینا ئێکێ هەمی دەرازینکێن
سنوری و بالەفڕخانەیان دێ دائێخن.
دەربارەی هاتن و چوونێ دناڤبەرا پارێزگەهێن
عێراقێ، غالب عەتیە بەحسا وێیەکێ ژی کر، لڤینێن دناڤبەرا پارێزگەهاندا دێ هێتە
سنوردارکرن و دناڤخۆیا پارێزگەهان دا ژی بکارئینانا ماتۆرسیکلان قەدەغەیە و وەلاتی
بتنی دشێن ب ترۆمبێلێن خۆ ب مەرەما سەرەدانیکرنا بارگەهێن دەنگدانێ بکاربینن.
ئاماژە ب وێیەکێ ژی کر، گرتنەبەرا هەمی وان
رێکاران ب ئارمانجا پاراستنا کەشێ برێڤەچوونا هەلبژارتنا و پاراستنا دەنگدەرانە.
ئەڤە د دەمەکێ دایە، بڕیارە پشتی ١١ رۆژێن دی
و ل رۆژا ئێکشەمبێ بەرواری ١٠ی تشرینا ئێکێ هەلبژاتنێن بەروەختێن پەرلەمانێ عێراقێ
لسەرتاسەری وەلاتی برێڤەبچن و تێدا زێدەتری ٢٥ ملیۆن دەنگدەر دێ بەژداربن و دێ ٣٢٩
ئەندام پەرلەمانان هەلبژێرن.