AM:10:02:30/09/2021
1528 جار خوێندراوەتەوە
+
-
بەرێ سپێدەهیا ئەڤرۆ ل نێزیک پێشانگەهێن
ترۆمبێلان ل شێخان ترۆمبێلەک وەرگەریا و شۆفێرێ وێ ژیانا خۆ ژ دەستدا.
ئازاد تاها رێڤەبەرێ ڕاگەهاندنا هاتن و چوونا
پارێزگەها دهۆکێ ڕاگەهاند، بەرێ سپێدەهیا ئەڤرۆ دەمژمێر ٣:٠٠ ل نێزیک پێشانگەهێن
ترۆمبیێلان ل قەزا شێخان ل پارێزگەها دهۆکێ ترۆمبێلەکا تۆیۆتا کامری ژ بن کۆنترۆلا
شۆفێری دەرکەت و وەرگەریا.
دیارژیکر، د وێ بوویەرێ دا شۆفێری ژیانا خۆ ژ
دەستدا و زیان بەر ب ترۆمبێلێ ژی کەفتنە.
ئەڤە د دەمەکێ دایە، شەڤا دەربازبووی ژی ل دەمژمێر
١١:١٥ خۆلەک ل سەر جاددا گشتیا دناڤبەرا باژێرێ ئاکری و ناحیا قەسرۆکێ بوویەرەکا
هاتن و چوونێ دناڤبەرا دوو ترۆمبێلان دا روویدا و زارۆکەکێ حەفت مەهی ژیانا خۆ ژ
دەستدا و چار کەسێن دی ژی برینداربوون.
هەڤدەم، بوویەرێن هاتن و چوونێ
ب ئاوایەکێ بەرچاڤ ل سنورێ پارێزگەها دهۆکێ زێدەبووینە و شۆفێر سەدەمان بۆ خرابیا
جادەیان ڤەدگەرینن و هاتن و چوون ژی سەدەمان بوو نەپێگریا شۆفێران ڤەدگەرینیت.