AM:09:51:30/09/2021
1828 جار خوێندراوەتەوە
+
-
ڤەکۆلینەکا زانستی ئاشکراکریە، درەنگ خارنا
نانێ سپێدێ یان نەخارن دبیت ببیتە سەدەمێ توشبوون ب خەموکیێ و کارتێکرن لسەر
ساخلەمیێ هەبیت.
لگۆرەی ڕاپۆرتەکا ساخلەمیا رۆپەلا
"الوطن" یا سعودیە ئاماژە ب وێیەکێ کر، رێکخەرا ڤەکۆلینێ جۆهانا وێلسۆنا
نوژدار ل زانکۆیا تسمانیا گوتیە، ئەنجامان دەرخستیە کو سیستەمێ خارنا ساخلەم پەیوەندی
ب کێمبوونا توشبوون ب خەمۆکیێ هەیە، دەما خارنا دانێن خارنێ ژی پەیوەندی ب خەمۆکیێ
ڤە هەیە.
ئاماژە ب وێیەکێ ژی کر، گرۆپەکێ ڤەکۆلەران
داخاز ژ ١٠٠ کەسان کریە کو ژیێ وان دناڤبەرا ٢٦ بۆ ٣٦ سالان دابوویە دەمێ دانێن
خارنێ دیاربکەن، دگەل دا ڕادەیا تێکچوونا میزاج و توشبوون ب خەمۆکیێ دیار بکەن.
ئەنجامان دەرخستیە، ئەو کەسێن درەنگ نانێ
سپێدێ خارینە، زێدەتر رووبروویێ تێکچوونا میزاجی بووینە، هەڤبەر ب وان یێن کو
سیستەمەکێ خارنێ یێ باشە هەیە و هەمی رۆژەکێ ژی د هەمان دەمدا دانێ سپێدێ و نیڤرۆ
و ئیڤاری خارینە.
ئەو کەسێن نانێ سپێدەهیێ ناخۆن یان ژی درەنگ
دخۆن ب درێژیا رۆژێ رێژەیەکا زێدەتر یا خارنێ دخۆن و میزاجێ وان تێکناچیت، کو
ئەڤەژی ڤەدگەریت بۆ کاریگەریا هۆرموونان د لەشی دا.