PM:10:30:28/09/2023
352 جار خوێندراوەتەوە
+
-
پەیڤدارێ کۆمەلەیا پیشەسازیا
پەترۆلا هەرێمێ بۆ ئێن ئاڕ تی ڕاگەهاند، ژبەر ڕاگرتنا هنارتنا پەترۆلا هەرێمێ،
بەرهەمئینانا پەترۆلێ ب رێژەیا ٥٠٪ کێمبوویە.
ئەڤرۆ پێنجشەمبی، مایلز کاگینزپەیڤدارێ کۆمەلەیا پیشەسازیا پەترۆلا هەرێمێ ل دەمێ
پشکداریکرنێ د بەرنامەیێ تاوتوێ یا ئێن ئاڕ تی دا ڕاگەهاند، بەرهەمئینانا پەترۆلا
هەرێمێ ب رێژەیا ٥٠٪ کێمبوویە و ناچیتە ناڤ بازارێن پەترۆلا جیهانێ، ئەڤەژی کارتێکرن
لسەر بهایێ پەترۆلێ د بازارێن جیهانێ دا هەبوویە.
ئەو یەکژی بەرچاڤکر، پتریا کۆمپانیێن جیهانێ کارمەندێن
خۆ ڤەگەڕاندینە بۆ ولاتێن خۆ و بەرهەمئینانا پەترۆلێ ڕاگرتیە و چاڤەرێ رێکەفتنا
بەغدا و هەرێمێ دکەن ژبووی دووبارە دەستپێکرنا بەرهەمئینانێ.
بەحسا وێیەکێ ژی کر، کۆمپانیێن جیهانی دوو مەرج هەنە بۆ
دووبارە دەستپێکرنا بەرهەمئینانا پەترۆلێ ل هەرێمێ، ئەوژی بریتینە ژ: هەبوونا
رێکەفتنەکا زەلال دناڤبەرا هەرێم و بەغدا دا دەربارەی فروتنا پەترۆلێ، قەرەبووکرنا
وان زیانێن ب کۆمپانیان گەهشتین.