AM:11:47:07/09/2023
1044 جار خوێندراوەتەوە
+
-
جێگرێ
پەیڤدارێ سکرتێرێ گشتیێ نەتەوەێن هەڤگرتی بۆ ئێن ئاڕ تی ڕاگەهاند، نوویکرنا
لهەڤهاتنا دەخل و دانی گرنگە بۆ سەقامگیرکرنا بازاری و پاراستنا ئاسایشا خارنێ.
ئەڤرۆ
پێنجشەمبیێ، فەرحان حەق جێگرێ پەیڤدارێ سکرتێرێ گشتیێ نەتەوەیێن هەڤگرتی د
داخۆیانیەکێ دا بۆ ئێن ئاڕ تی ئاماژە ب وێیەکێ کر، بزاڤێن ولاتان بۆ نوویکرنا
لهەڤهاتنا دەخل و دانی بلند دبینین.
ئەو یەکژی بەرچاڤکر، سکرتێرێ گشتیێ نەتەوەیێن
هەڤگرتی پێشنیازەک ئاراستەی ڤلادیمیر پوتین سەرۆکێ روسیا کر هەیا کو ئەو ولات
ئاسنکاریان بکەت د هنارتنا خارنێ و دەخل و دانی.
بەحسا وێیەکێ ژیکر، نوویکرنا لهەڤهاتنا دەخل
و دانی دێ ئاسانکاریان کەت بۆ هنارتنا ملیۆنان تەنێن دەخل و دانی ل روسیا و
ئۆکرانیا بۆ جیهانێ و ئەڤەژی دێ بیتە سەدەمێ سەقامگیریا بازاری و پاراستنا ئاسایشا
خارنێ ل وان ولاتێن بەرهەنگاری قەیرانان دبن.
دبێژیت ژی، "پێدڤیە هەیا د شەڕی ژی دا
وەلات رێکێ ب هناردەکرنا دەخلودانی بدەن".
ل ١٧ـێ تەمموزا ئەڤسالە روسیا ل لهەڤهاتنا
دەخولودانی ب رێکا دەریایا رەش دگەل ئۆکرانیا ڤەکشیا کو ب ناڤبەیندکاریا تورکیا و
نەتوەیێن هەڤگرتی هاتبوو ئیمزاکرن و سەرۆکێ روسیا دەربارەی نویکرنا وێ لهڤهاتنێ
ڕاگەهاند، ئەگەر مەرجێن وان نەهێنە جێبەجێکرن وێ لهەڤهاتنێ نوی ناکەن.