PM:04:26:03/06/2023
1364 جار خوێندراوەتەوە
+
-
ئاژانسا ئاسایشا روسی، ویلایەتێن هەڤگرتی تۆهمەتبار
دکەت ب بکارئینانا بەرهەمێن ئەپل بۆ سیخوڕی کرنێ.
ئەڤرۆ شەمبی، کۆمپانیا "کاسپەرسکایا"
روسی تایبەت ب کارێ ئاسایشا ئەلیکترۆنی راگەهاند، دەمێ چەندین سالن ل رێکا بەرنامەیەکێ
سیخوری، زانیاریێن کەسی دهێنە برن و گوهداری ل دەنگێ بکارئینەران دهێتەکرن و وێنەیێن
جهێن وان دهێنە ئەشکراکرن.
ژ ئالیەکێ دی ڤە، سازیا ئاسایشا روسیا راگەهاندیە،
کۆمەکا پڕۆگرامێن سیخوڕیکرنێ لسەر مۆبایلا دیپلۆماتکاران و وەلاتیێن روسی ئەشکرا
کرینە و ئاماژە ب وێ ژی کریە، ئەو دەزگەهە بەحسا وێ دکەت، کۆمپانیا ئەپل پەیوەندی
و هەماهەنگی هەیە دگەل دەزگەهێن هەوالگریێن ویلایەتێن هەڤگرتیێن ئەمەریکا.
ژ ئالیێ خۆڤە ژی کۆمپانیا ئەپل، وان هەمی تۆهمەتان
رەت دکەت و راگەهاند، چ جاران دگەل وان جۆرە کاران تێکهەل نابن دگەل چ دەزگەهێن
حکومی نەک ل ناڤخۆیا ئەمەریکا د جیهانێ ژی دا.
ئەڤە د دەمەکێدایە، ل دەما دەربازبووی کۆنگرێسا
ئەمەریکا لێپێچین دگەل خودانیا کۆمپانیا "تیک تۆک" بۆ کورتە ڤیدیۆیان کر
کو پڕۆگرامەکێ چینی یە، ئەڤەژی ب تۆهمەتا سیخوڕی کرنێ و برنا زانیاریێن کەسێ بکارئینەرێ
پڕۆگرامى ناڤبری.