AM:11:57:01/06/2023
1528 جار خوێندراوەتەوە
+
-
نووچەگەهانێ ئێن ئاڕ
تی ڕاگەهاند، باژێرڤانیا دهۆکێ دوکانێن نێزیکی
٧٠٠ کرێکار و خودانکارێن پیشەسازیا پشتا پێشانگەهێن ترۆمبێلان داخستینە و رۆژانە و
حەفتیانە ب هێجەتا زێدەگاڤیێ لسەر مولکێ بەلەدیێ چەندین دوکان دهێنە داخستن.
بریار نێروەیی نووچەگەهانێ
ئێن ئاڕ تی ل دهۆکێ دادیارکرن، ئەڤرۆ پێنجشەمبی ب سەدەمێ وێ کو دوکانێن وان مەترسیا
داخستنێ لسەرە نێزیکی ٧٠٠ کرێکار و
خودانکارێن پیشەسازیا پشتا پێشانگەهێن ترۆمبێلان هاتنە سەر چاددەیان و خۆنیشاندان
کرن.
وەلاتیەک بۆ ئێن ئاڕ
تی دبێژیت، رۆژانە ١٠ تا ١٥ دوکانێن مە ژ ئالیێ باژێرڤانیێ ڤە دهێنە داخستن و هەتا
نها زێدەتری ٥٠ دوکانان هاتینە داخستن.
وایرمەنەک دبێژیت،
ئاریشەیا مە ئەوە د دەمێ خۆدا ئاڤاهیێن مە ب ڕەزامەندیا باژێرڤانیێ هاتینە دروستکرن،
لێ پشتی کو مە پارەیەکێ زۆر ژێ مەزاختی نوکە دبێژن دێ هێتە داخستن، ددەمەکێدا ژین
و ژیارا مە و زارۆکێن مە لسەر ڤان دوکانایە.
دبێژیت ژی بەهانەیا
باژێرڤانیێ ب تنێ ئەوە کو مە بۆ پیشەسازیا ئالۆکان ڤەگوهێزن، لێ بلا پشت ڕاست بن
ئەم ناچینە وێ پیشەسازیێ.
چەند وەلاتیێن دی ژی دبێژن، ئەڤە
هێجەتەکا لاوازە و حکومەت و ئیدارەیا خوجهیا دهۆکێ ب ڤێ رێکێ دخازن مە بۆ پیشەسازیا
ئالوکان ڤەگوهێزن، لێ بۆ وان کرێکارێن کو ب پێیا هاتن و چوونێ دکەن ب زەحمەتە و
دبێژن ژی، ئەم داخاز دکەین دەمی بدەنە مە تا دشێین چارەیەکێ ببینین ئەم خودان خێزان
و زارۆکین.
بریار نێروەیی - دهۆک