PM:02:32:15/05/2023
7560 جار خوێندراوەتەوە
+
-
سەرۆکێ پەیمانگەها نشتیمانی
بۆ ڤەکۆلینێن فەلەکناسی و جیۆفیزیکی ل مسرێ رۆژا جەژنا قوربانی دیارکر.
جاد قازی سەرۆکێ پەیمانگەها
نشتیمانی بۆ ڤەکۆلینێن فەلەکناسی و جیۆفیزیکی ل مسرێ، راگەهاند، لگور ژمێرەیا فەلەکناسی
کو ژ ئالیێ وێ پەیمانگەهێ هاتیە ئەنجامدان دەستپێکا مەها زیلقەعدە بۆ سالا هجری
١٤٤٤ ئێکشەمبیا داهاتی دبیت و ٢٩ رۆژ دبن و ب ڤێ یەکێ ژی ٢٧ێ حوزەیرانا ٢٠٢٣ ئێکەم
رۆژا جەژنا قوربانێ دبیت.
جاد قازی بۆ میدیایێن
مسرى راگەهاندیە، مەها زیلقەعدە و دیتنا هەیڤێ لگورەی دەمێ قاهیرە ل دەمژمێر پێنج
و ٥٤ خولەکێ رۆژا ئەینی دبیت کو دەمێ وێ ٢٩ێ شەوالا ١٤٤٤ێ کۆچی و لهەمبەر ١٩ێ ئەیارا
٢٠٢٣ دبیت.
گۆتژی، هەیڤا هیلالا
نوی ل هندەک ژ ولاتێن عەرەبی و جیهانا ئیسلامی ناهێتە دیتن ژبەرکو دکەڤیتە دەمێ
رۆژئاڤا بوونێ.
بەحسا وێ ژی کر، د
رۆژا دیتنێ دا ل باژێرێ مەککەهێ هەیڤ ب سێ خۆلەکان بەری رۆژ ئاڤا دبیت، لێ پشتی وێ
کو رۆژئاڤا دبیت بۆ دەما ئێک خۆلەک ل ئەسمانێ قاهیرەدا دهێتە دیتن.
ئاماژە ب وێ ژی کر، ل زۆربەیا
ولاتێن ئیسلامی و پایتەختێن جیهانا عەرەبی د رۆژا دیتنا هەیڤێ دا هەیڤ ژ خۆلەکەکێ
هەیاکو ١٨ خۆلەکان بەری رۆژێ دێ ئاڤا بیت، ل بەغدا هەیڤا هیلالا نوی دگەل رۆژێ ئاڤا
دبیت.