AM:09:56:09/05/2023
436 جار خوێندراوەتەوە
+
-
وەزارەتا بەرەڤانیا ئەلمانیا سوز دا ئوکرانیا کو پشتەڤانیا وان ل دژی
روسیا بکەت، هەرچەند ئەو شەر درێژێ بکێشیت ژی.
بوریس بوستوریوس وەزیرێ بەرەڤانیا ئەلمانیا راگەهاند، هەرچەند درێژە ب
وی شەری بهێتە دان، بەرلین دێ پشتەڤانیا ئوکرانیا کەت و داخازا وێ چەندێ کر
ئەلمانیا د هەمی بیاڤاندا پشتەڤانا ئوکرانیا بیت.
گوتارا وەزیرێ بەرەڤانیا ئەلمانیا د سەرەدانەکێ دا بوو بۆ بنگەهەکێ
سەربازی ل ویلایەتا ساکسونا کو بنگەهەکێ تایبەتاێ مەشقێ بۆ سەربازێن ئوکرانیا تێدایە
ب هەڤبەشیا دانیمارک، هەروەسا راهێنانێن سەربازان لسەر چەک و تانکا لیۆپاردە.
ئەڤە ژی د دەمەکیدایە، ل مەها شوباتا ٢٠٢٢ ب فەرمانا ڤیلادمیر پوتین
سەرۆکێ روسیا هێرش بۆ سەر ولاتێ ئوکرانیا هاتەکرن و د سالڤەگەرا وی شەری دا پوتینی
راگەهاند، روسیا دێ بەردەوام بیت هەتا دگەهیتە ئارمانجێن خۆ.