AM:10:14:05/05/2023
340 جار خوێندراوەتەوە
+
-
سەرۆکێ ئەمریکا دەستهەلا ئیدارەیا خۆ بۆ سەپاندنا سزایێ
بسەر سودان بەرفرەهکر و داخاز کر خیانەت ل وەلاتیان نەهێتەکرن و هەڤرکیان رابگرن.
جۆ بایدن سەرۆکێ ئەمریکا داخازا راگرتنا هەڤرکیێن سودان
کریە کۆجکا سپی ژی بڕیارەک ئیمزاکر بۆ سەپاندنا سزایێ بسەر وان کەسایەتیێن بووینە
سەدەمێ نەسەقامگریا سودان.
ئاماژە ب وێیەکێ ژی کر، کو ب زوویترین دەم شەڕ ل سودان
بهێتە راگرتن و گەف ژ وان ئالیان کر کو کەسێن سڤیل دکەنە ئارمانج.
گۆت ژی، د نها دا وەلاتێ سودان د کارەساتێ دایە و خیانەت
ل داخازیێن وەلاتیان هاتیەکرن و رێگری ل
دیموکراسیەتێ دهێتە گرتن.
داخاز ژ وەلاتیێن سودان ژی کر، خۆ ژ هەڤرکیێن وی وەلاتی دوویربئێخن
و دەست ب دیموکراسیەتێ بگرن.
ئەڤە د دەمەکی دایە، ل ١٥ێ نیسانا ئەڤسالە، هەڤرکیا
چەکداری د ناڤبەرا ئارتێشا سودان و هێزێن پشتەڤانیا بلەز دروستبوو و هەیا نها ژی
بەردەوامە و زێدەباری ڕاگەهاندنا ئاگر بەستێ ئەو شەڕ د ناڤ باژێرێن سودان دا
بەردەوامە.