PM:06:57:04/05/2023
852 جار خوێندراوەتەوە
+
-
کۆچکا کرملن ڕاگەهاند، واشنتۆن بەرپرسیار و تۆهمەتبارە ب
ئەنجامدانا هێرشا سەر کۆچکا کرملن ل مۆسکۆ نەک کیێڤ. د هەمبەردا کۆچکا سپی دبێژیت،
"کرملن درەوان دکەت".
کۆچکا کرملن دەربارەی وێ هێرشا ب درۆنان کریە سەر وان ڕاگەهاندنەک
بەلاڤکر دناڤدا هاتیە، واشنتۆن تۆهمەتبار و بەرپرسە ژ ئەنجامدانا هێرشا سەر کۆچکا
کرملن ل مۆسکۆیا پایتەختا روسیا ل رێکا دوو بالەفرێن بێ بالەفڕڤان.
ئاماژە ب وێ ژیدا، ئەو هێرشە بزاڤەک بوویە بۆ تیرۆرکرنا ڤلادیمێر
پوتینێ سەرۆکێ روسیا کو وی دەمی ل کۆچکا کۆماری نەبوویە.
لگورەی وێ ڕاگەهاندنێ، ڤلادیمێر پوتین سەرۆکێ روسیا ب
ژڤانە جڤینا جڤاتا ئاسایشا نشتمانی ئەنجامبدەت و گوتارەکێ پێشکێش بکەت. هەروەسا، لەزاتیا
ئۆپەراسیۆنا سەربازییا تایبەتا ئۆکرانیاژی ناگۆهڕیت.
ژ ئالیێ خۆڤە، دیمیتری بیسکۆڤ پەیڤدارێ سەرۆکاتیا روسیا
راگەهاند، واشنتۆن ل پشت ئەنجامدانا هێرشا کیێڤە بۆسەر کرملن و ئەمریکا دڤێت خۆ لێ
ڤەدزت.
ئەویەک ژی بەرچاڤکر، پێتڤیە واشنتۆن بزانیت بەشداری کرن د
هێرشکرنە سەر کرملن پێنگاڤەکا مەترسیدارە و بەشداریکرنا راستەوخۆیە د هەڤڕکی و شەری
دا.
هەڤدەم، جۆن کیربی پەیڤدارێ جڤاتا ئاسایشا نەتەوەیی ل کۆچکا
سپی د داخویانیەکێ دا دگەل تەلەفیزیۆنا "ئێم ئێس ئێن بی دی"یا ولاتێ وان
راگەهاند،"مە چ پەیوەندی ب هێرشا سەر کۆچکا کرملن نینە".
گۆتژی، زۆر ب ئەشکرایی دیمیتری بیسکۆڤ پەیڤدارێ کۆچکا
کرملن درەوا دکەت.
ئەڤە د دەمەکێدایە، شەڤا ٣ێ ٥ێ ٢٠٢٣ ل رێکا دوو بالەفرێن
بێ بالە فرڤان هێرشکرە سەر کۆچکا کرملن ل مۆسکۆیا پایتەختا روسیا. بڕیارە سبەهی هەینی
ڤلادیمیر پوتین سەرۆکی روسیا لەگەڵ ئەندامانی ئەنجومەنی ئاسایشی نیشتیمانی وڵاتەکەیدا
کۆبێتەوە و گفتوگۆ لەبارەی هێرشەکەی بۆسەر کۆشکی کرملین بکات.