PM:10:02:03/05/2023
1444 جار خوێندراوەتەوە
+
-
پشتی کو پێر ل بەغدا سەرۆکا فراکسیۆنا نەوەی نوێ دیتی،
ئەڤرۆ بەرپرسەکا بلندا ئەمریکا گەهشتە هەرێمێ و دگەل بەرپرسێن حکومەتا هەرێمێ جڤیا
و جارەکا دی هۆشداریا ئەنجامدانا هەلبژارتنێ ب بەرپرسێن هەرێمێ دا.
ئەڤرۆ چارشەمبیێ، بارابارا لیف هاریکارا وەزیرێ دەرڤەیێ
ئەمریکا بۆ کاروبارێن رۆژهەلاتا ناڤەراست دگەل شاندەکێ سەرەدانا هەرێمێ کرن و دگەل
بەرپرسێن هەرێمێ جڤیان.
لگۆڕ زانیاریێن ئێن ئاڕ تی وێ بەرپرسا بلندا ئەمریکا
پەیاما هۆشداریا وی وەلاتی دایە بەرپرسێن بلندێ پارتی و یەکێتی کو دڤێت هەلبژارتنێ
ئەنجام بدەن.
هەر لگۆڕ زانیاریان هۆشداریا وێیەکێ ژی دایە، کو
ئەنجامدانا هەلبژارتنێ د نهادا بوویە پێتڤیەک کو گرێدایە ب داهاتیێ قەوارەیا
هەرێمێ، ژبەر وێیەکێ لسەر بەرپرسێن هەرێمێ پێتڤیە هەرچەند زویە بەرهەڤیان بۆ وێ
پرۆسەیێ تەمام بکەن.
هاریکارا وەزیرێ دەرڤەیێ ئەمریکا ب پارتی و یەکێتی
گۆتیە، دڤێت هەلبژارتنا پەرلەمانی بکەن ئەڤرۆ بیت یان سوبەهی ب تنێ ئێک رێک ل
هەمبەر وان دایە ئەو ژی ئەنجامدانا هەلبارتنێ یە.