PM:06:53:02/05/2023
1964 جار خوێندراوەتەوە
+
-
شاندیا تایبەتا
سکرتێرێ گشتیێ نەتەوەیێن هەڤگرتی ل عێراقێ ڕاگەهاند، دەربارەی تایبەتمەندیا عێراقێ
و کاریگەربوونا وێ ب گۆهڕینێن سەقای و مەترسیان بۆ سەر ئاسایشا نەتەوەیی و خارنێ
راپۆرتەکێ بۆ جڤاتا ئاسایشا نێڤدەلەتیا سەر ب نەتەوەیێن هەڤگرتی بلند دکەت.
وەزارەتا ژینگەها
عێراقێ ڕاگەهاندنەک بەلاڤ کر و دناڤدا هاتیە، نزار ئامێدی وەزیرێ ژینگەهێ پێشوازی
کر ژ جنین پلاسخارت شاندیا تایبەتا سکرتێرێ گشتیێ نەتەوەیێن هەڤگرتی و غولام ئیسحاق
شاندیێ تایبەت و رێکخەرێ ئاکنجیێ ل عێراقێ و کلاودیو کۆردۆن شاندیێ تابیەت ب کاروبارێن
مرۆڤی و هاریکارێ هەلبژارتنان.
ئاماژە ب وێ ژی دایە،
نزار ئامێدی پێداگری کریە لسەر بهێزکرنا هاریکاری و هەماهەنگیکرنا وەزارەتا ژینگەهێ
دگەل شاندیا رێکخراوێن نێڤدەولەتی و ل کۆنگرەیێ cop 28 ل دوبەی بۆ گۆهڕینا سەقای و کارتێکرنان
ب شاندەکێ بلند و هونەری و لسەر ئاستێ وەزارەتان و کەرتێ تایبەت و گشتی و رێکخراوێن
نێڤدەولەتی و ناڤخۆیی بەشداریێ دکەت.
ژ لایێ خۆڤە، جنین پلاسخارت شاندیا تایبەتا ئەنتۆنتۆ گۆتێرێز سکرتێرێ گشتیێ
رێکخراوا نەتەوەیێن هەڤگرتی ئاماژە ب وێیەکێ کر، د راپۆرتەکێ دا جڤاتا ئاسایشا
نێڤدەولەتی و رێکخراوا نێڤدەولەتی دەربارەی تایبەتمەندیا عێراقێ و باندۆریا وێ ب
گۆهرینێن سەقای و هشکەسالیێ و مەترسیێن سەر ئاسایشا نەتوەیی و خارنێ هایداردکەت.
ئاماژە ب وێیەکێ ژی کر، مەترسیا ب بیابانبوون و کۆچکرنا وەلاتیان ل دەڤەرێن
وان ژبەر هشکەسالیێ و کێمبوونا چالاکیێن چاندنێ و بلندبوونا ئاستێ بێکاریێ پشکەکا
دی دبیت د راپۆرتا پلاسخارت دا.
دبێژیت ژی، د ڕاپۆرتا وێ دا داخاز ژ جڤاکا نێڤدەولەتی و رێکخراوان دکەت
پشتەڤانیا عێراقێ بکەن بۆ دەربازکرنا وێ قۆناغێ و بزاڤکرن بۆ دامەزراندنا پرۆژە و
ژێرخانا ئابوری.