PM:04:52:05/04/2023
1684 جار خوێندراوەتەوە
+
-
خورمە ئێکە ژ خارنێن ب تام و چەندین رەگەزێن
خارنا گرنگ تێدا هەنە، وەسا کریە رۆژیگر د مەها رەمەزانێ دا بخۆن.
داهات حەوێزی نوژدارەکێ پسپۆرێ هناڤ و شەکرێ یە
د لاپەرا فەرمیا خۆدا ل فەیسبووکی ئاماژە ب مفایێن خارنا خورمێ کرینە، کو بریتینە
ژ:
ئێک: دەولەمەندە ب کالۆری، دەنکەکا خورمێ نێزیکی۳۰ کالۆران تێدانه، زۆربەیا پێکهاتەیا خورمێ ژ
کاربۆهیدراتێ پێکدهێت، بەشێ دی بریتیە ژ پڕۆتین و کانزا و ڤیتامینان.
دوو: ریشالە، خورمێ بڕەکێ باشێ ڕیشالێ تێدایە
ئەڤەژی هاریکاریا کۆئەندامێ هەرسکرنێ دکەت و ئاریشەیا ئێشانا مەعیدەی و غازاتا ریخۆلەیان
و قەبزیێ ناهێلێت.
سێ: دژە ئۆکسانە، خورمێ بڕەکێ باشێ دژە ئۆکسانێ
تێدایە وەکیFlavonids وCarotenoids وPhenolic acid،
ئەڤ دژە ئۆکسانە هاریکاریا تازەکرنا خانەیان ددەن.
چار: مێشکی بهێز دکەت، ب سەدەمێ هەبوونا دژە
هەوکرن یان کولبوونێ وەکیIL-6 خورمە ڕێکێ ژ مرنا خانەیێن مێشکی دگریت و مەترسیا
ژبیرچوونێ و ئەلزەهایمەر کێم دکەت.
پێنج: ژنێن دووگیان زۆر مفای ژ خورمێ دبینن ب
تایبەت ئەگەر ل داویێ یێن دووگیانیێ دا بخۆن.
شەش: بهێزکرنا هەستیکان.
حەفت: خورمێ شەکرا تاکا فرەکتۆزی تێدایە کو
شرینیەکا سروشتیا گەلەک باشە، دشێن ل جهێ شەکرا سپی بخۆن.
وی نوژداری راگەهاندیە، ئەو کەسێن نەخۆشیا شەکرێ
هەیە نابیت زێدەرەویێ ژخارنا خورمێ دا بکەن ژبەرکو شەکرێ بلند دکەت.