PM:04:47:04/04/2023
1444 جار خوێندراوەتەوە
+
-
ل تورکیا بابەکی لسەر پارتیا ئاکەپێ و کچا وی لسە
پارتیا کەسکا چەپ خۆ بۆ هەلبژارتنێن پەرلەمانێ تورکیا بەربژێر کریە. بابێ وێ دبێژیت،
"من پێخۆش نینە کچامن بەربژێرا وێ پارتێ یە." کچا وی ژی دبێژیت، "دڤێت
هەمی کەس د ئازاد بن."
ل باژێریێ هەکاریێ باکورێ کوردستانێ مەهمەت سەڤەن
کو بازرگانەکێ ب ناڤ و دەنگێ وی باژێریە لسەر پارتیا داد و گەشەپێدان "ئاکەپێ"
خۆ بەربژێر کریە و زۆزان سەڤەنا کچا وی ژی کو مامۆستایە، لسەر پارتیا کەسکا چەپ یا
هەڤرکا ئاکەپێ خۆ بەربژێر کریە.
مەهمەت سەڤەن ئەو یەک بەرچاڤکر، پشتەڤانیا
بەربژێرکرنا کچا خۆ ناکەت و هەمی خێزانا وی پشتەڤانیا ئاکەپێ دکەن و زۆزانا کچا وی
ژی بێ هایداریا وان خۆ بەربژێر کریە.
بەحسا وێ ژی کریە، خۆ بەربژێرکرنا کچا وی چ پەیوەندی
ب خێزانا وان ڤە نینە و دلگرانن ب وێ پێنگاڤا کچا خۆ.
زۆزان سەڤەنیا کچا وی ژی راگەهاند، پێتڤیە هەمی
کەس د ئازاد بن. دبێژیت ژی، "من دڤیا بابێ من پشتەڤانیا بریارا من کربا، لێ بەشەک
ژ بنەمالەیێن مە ب هزرا شەڕێ ناڤا خێزانێ و باب سالاریێ بڕێڤە دچن، ئەڤێ ژی
کارتێکرن لسەر هزرکرنا گەنجان هەیە."
دبێژیت ژی، چەندان پەیامێن ئەرێنی دەربارەی خۆ
بەربژێرکرنا وێ پێگەهشتینە و خەلکەکێ زۆر پشتەڤانیا وێ دکەن و هان ددەن بەردەوام بیت.
ئەڤەژی د دەمەکیدایە، بڕیارە ل ١٤ێ ئایارا ئەڤسالە
هەلبژارتنا پەرلەمان و سەرۆکاتیا تورکیا بڕیڤەبچیت.