PM:05:33:25/03/2023
3364 جار خوێندراوەتەوە
+
-
نێزیکی حەفتیەکێ یە ل سنورێ ناحیا سنونێ
قەیرانا غازێ دروست بوویە و د نها دا بهایێ ئێک بتلێ غازێ ب ١٩ هزار دینارانە،
لگۆڕ زانیاریێن نووچەگەهانێ ئێن ئاڕ تی ژی، ئەگەرێن دروستبوونا قەیرانا غازێ ب
قاچاغ هنارتنا غازێ یە بۆ هەرێمێ ژ ئالیێ بەرپرسەکێ پارتی ڤە.
نەزیر شنگالی نووچەگەهانێ ئێن ئاڕ تی ئاماژە ب
وێیەکێ کر، ژبەر داخستنا کارگەهەکێ ژ ئالیێ هێزێن ئەولەهیا عێراقێ ڤە کو کارێ ب
قاچاغ هنارتنا غازێ بۆ هەرێمێ تێدا دهاتە ئەنجامدان، قەیرانا غازێ ل سنورێ نەحیا
سنونێ دروست بوویە و بهایێ ئێک بتلێ غازێ گەهشتیە ١٩ هزار دینارن.
ئێن ئاڕتی ئەشکرا کریە، ئەو کارگەهـ یا بەرپرسەکێ
پارتیە ب ناڤێ (محما خەلیل) کو نها ئەنداێ پەرلەمانێ عێراقێ یە و غازا وێ کارگەهێ
ب قاچاغ هنارتیە هەرێمێ، پشتی ئەڤ چەندە هاتیە ئەشکراکرن دەزگەهێن ئەولەهیێ دەست ب
سەر تەنکەرێن غازێ داگرتینە و ئەو کارگەهـ داخستیە، ڤێ چەندێ قەیران دروست کریە.
ژ ئالیەکێ دی ڤە بەشەکا وان کەسێن کو کارێ فرۆتنا
غازێ دکەن مۆلەتێ ئینانا غازێ ل دەڤەرێن دی یێن عێراقێ نینە و ڕێ ب وان ناهێتەدان
غازێ ژ تەلعفەر و موسل بئینن.
هەڤدەم، ل سنوری قەزا شنگالێ ب تنێ کارگەهەکا
غازێ هەیە، ئەو ژی دکەڤیتە ناحیا سنونێ، لێ نێزێکی هەیڤەکێ یە ئەو کارگەهـ ژ ئالیێ هێزێن ئەولەهیا عێراقێ ڤە ژبەر هنارتنا
غازێ ب قاچاغی بۆ هەرێمێ هەتیە داخستن.