وی ژێدەری ئاماژە ب وێێەکێ ژی کریە، هەرێمێ رۆژانە ٤٥٠ هزار بەرمیلێن
پەتڕۆلێ ب ڕێکا زەڤیێن پەتڕۆلیێ هەرێمێ و باکورێ کەرکوکێ بۆ تورکیا هنارتینە و
ئەڤرۆ عێراقێ ئەو هنارتن ڕاگرت.
ئەڤە د دەمەکی دایە، ئەڤرۆ وەزارەتا پەتڕۆلا عێراقێ ڕاگەهاندنەک
بەلاڤکر و تێدا هاتبوو، ئەو سکالایا ل دادگەها پاریس لسەر نەیاسایبوونا
هنارتنا پەتڕۆلا هەرێمێ بۆ تورکیا بریە. تورکیا ژی دبێژیت، ڕێزێ ل بریارا دادگەها
پاریس دگرین".
دبێژیت ژی، ئەو بڕیار ژ ئالیێ دەستەیێ ناڤبژیوانیا سەر ب ژورا
بازرگانیا نێڤدەولەتی ل پاریس ل ٢٣ێ ڤێ مەهێ دەرچوویە.
ئاماژە ب وێیەکێ ژی هاتیەکرن، کۆمارێ عێراقێ سکالا ل دژی تورکیا
تۆمارکریە ب سەدەمێ بنپێکرنا لهەڤهاتنا هێلا بۆریێن پەتڕۆلی یێن عێراق و تورکیا کو
ل سالا ١٩٧٣ هاتیە ئیمزاکرن.
بەحسا وێیەکێ ژی هاتیەکرن، د لهەڤهاتنا وان دوو ولاتان دا لهەڤهاتینە
لسەر وێێەکێ کو تورکیا پێگری ڕێنمایێن عێراقێ بیت ل هەمی لهەڤهاتنێن ڤەگوهاستنا
پەتڕۆلا خاڤ ل عێراقێ بۆ هەمی وێسگەهێن تورکیا.
ئەڤە ژی پشتی وێیەکێ دهێت، رۆژا ١٥ێ شوباتا سالا دەربازبووی، دادگەها
فیدڕالیا عێراقێ جڤینا خۆ دەربارەی دۆسەیا ٥٩ێ یا تایبەت ب هنارتنا پەتڕۆلێ ژ
ئالیێ حکومەتا هەرێمێ ڤە بۆ دەرڤەی وەلاتی و بێ ڕازیبوونا حکەمەتا فیدڕالی
ئەنجامدا.
پشترا ڕاگەهاند، یاسایا پەتڕۆل و غازا هەرێما کوردستانێ و فرۆتنا
پەتڕۆلێ ژ ئالیێ حکومەتا هەرێمێ ڤە نەدەستورییە.