PM:06:33:19/03/2023
1768 جار خوێندراوەتەوە
+
-
هەرکو دچیت بابەتێ کەفتنا
هێلیکۆپتەرەکێ ل سنورێ ناحیا چەمانکێ ل پاریزگەها دهۆکێ زێدەتر دبیتە جهێ گۆتۆبێژ
و لسەر ئاخفتنێ و ئەڤرۆ ژی تەرمێ دوو کەسێن دی ل وی جهی هاتە دیتن.
د نوویترین پێشهات دا تەرمێ
دوو کەسێن دی ژی ل ناحیا چەمانکێ هاتن دیتن، کو ژێدەرێن ئەولەهیێ یێن دهۆکێ بەحس
دکەن و دبێژن، ل جهێ کەفتنا هێلیکۆپتەرێ ل نێزیک گوندێ بێرکیات هاتینە دیتن و بۆ نۆژداریا
دادا دهۆکێ هاتینە ڤەگوهاستن.
لگۆر زانیاریان ژی، ل
جهێ کەفتنا بالەفرێ چەند رۆژن تیمێن هێزێ ئەولەهیێ ڤەکۆلینێ دکەن و هەمی بەرمایکێن
هێلیکۆپتەرێ هاتینە ڤەگوهاستن بۆ جهەکێ تایبەت و دیسان تەرمێن قوربانیان ژی دبن چاڤدێریا
هوویرا ئەولەهیێ دا ل نۆژداریا دادا دهۆکێ هاتینە دانان.
هەرچەندە پێشتر، هەسەدێ
راگەهاندبوو کەسێن ژیانا خۆ ژدەستداین 9 کەسن و کارمەندێن هێزا دژەتیرۆرا رۆژئاڤایێ
کوردستانێنە و ب دوو هێلیکۆتەران ل ڕێکا چوون بۆ سلێمانیێ کەفتینە، لێ هەر زوو دژەتیرۆرا
کوردستانێ گوت کو یەک هێلیکۆتەر بوویە.
هەڤدەم، مەسرور بارزانی
سەرۆکێ حکومەتا دەم بسەرڤەچوویا هەرێمێ دبیژیت، یەک هەلیکۆپتەر بوویە و د ئەسل دا
ژ ئالیێ گروپەکێ ناڤ یەکێتیێ دا هاتینە کڕین و ئەو نزانن چەوا گەهشتینە دەستێ هەسەدێ.
پشترا، جڤاتا ئاسایشا
هەرێمێ ژی ئەو یەکە تەکەزکرەڤە کو یەک هێلیکۆپتەر بوویە و د ناڤبەرا رۆژئاڤایێ
کوردستان و سلێمانیێ دا فڕینە و بێ ئاگەهداریا دەزگەهێن فەرمیێن هەرێمێ.
هەڤدەم، هەر ل گۆر
زانیاریێن ئێن ئاڕ تی، تیمەكا سەربازیا ئەمریكا یا تایبەت و شارەزا د بیاڤێ سەقاناسی
و بالەفڕڤانیێ دا ل هەرێما كوردستانێ دەست ب ڤەكۆلینەكا هویر لسەر كەفتا وێ
هێلیكۆپتەرا ل ناحیا چەمانكێ كەفتیە خارێ كرینە و دیڤداچوونێ بۆ راپۆرتێن
سەقاناسیێ یێن شەڤا كەفتنا وێ دكەن.
هەڤدەم، توركیا ژی ب
ئاڕاستەیەكا دی دەست ب ڤەكۆلینان كریە و دخوازن بزانن، هێزێن هەسەدێ ئەو
هێلیكۆپتەرە ژ كیڤە ئینایە و دێ كیڤە چن و چەوا بكار دئینن.