PM:06:10:01/01/2023
2896 جار خوێندراوەتەوە
+
-
نۆژدارێن وەلاتێ
چیک چارەسەریەکا نوی بۆ پەنجەشێرا پرۆستاتا د قۆناغێن پێشکەفتیێن وێ نەخۆشیێ دا
دیتیە و ئامێرێ پرینتەرا سێ دوریێ بۆ دروستکرنا هەستیێ دروستکری بکارئینایە.
مالپەڕێ
ئایدێنسی چیکێ بەلاڤکر، چارەسەریا نویا پەنجەشێرا پرۆستاتا بناڤێ Pluvicto هاتیە بناڤکرن و چارەسەرەکا حەلاندنێیە و دهێتە بکارئینان بۆ چارەسەریا
پەنجەشێرا پرۆستاتا ل قۆناغێن ب مەترسی و زێدەتر بۆ وان کەسان دهێتە بکارئینان کو
مفا ژ چارەسەریێن دی نەدیتینە.
جهێ ئاماژێیە، ئەو چارەسەرا نوی ژ ئالیێ دانوستکارێن ئەورۆپا
بەری بکارئینانێ هاتیە قەبولکرن.
چارەسەریا نویا وێ پەنجەشێرێ بۆ ئێکەم جار لسەر نەخۆشەکی هاتیە
بکارئینان ژ پشکا نۆژداریا ئەتۆمی ل نەخۆشخانا فێرکاری ل باژێڕێ ئۆلۆمۆک ژ کۆمارا
چیکێ. هەڤدەم، هەیا نها بڕیار لسەر بەرهەمئینانا وێ چارەسەریێ ب ئاوایێ زنجیرە
نەهاتیەدان.
ژ ئالیەکێ دیڤە، نۆژدارێن چیکێ بۆ ئێکەم جار ل وەلاتێن ناڤەڕاست
و رۆژهەلاتا ئەورپا ئێکەم نەشتەرگەریا چاندنا هەستیکێ دروستکری ئەنجامدا و ئەو
هەستیک ژی ب ڕێکا پرینتەرا سێ دوریێ هاتیە بەرهەمئینان و بەرێ ژی ب ڕێکا وێ
پرۆسەیێ هەستیکێ سەرڤەیێ پانیا پێی بۆ ئێک ژ نەخۆشێن نەخۆشخانا فێرکاریا باژێڕێ
برۆنۆ ل چیک چاند.