PM:09:30:01/01/2022
1648 جار خوێندراوەتەوە
+
-
دەستەیا دەرازینکێن سنور یێن عێراقێ حەفت
رێنمایێن نووی ب ئامرانجا ڕاستکرنا رێرەوێ رێکارێگن خۆ ئاڕاستەی رێڤەبەریان و
نوینەرایەتیان کرینە.
ئەڤرۆ شەمبیێ، دەستەیا دەرازینکێن سنوری یێن
عێراقێ ڕاگەهاندنەک بەلاڤکر و تێدا هاتیە، عومەر وائیلی سەرۆکێ دەستەیا دەرازینکێن
سنوری ب هەڤالتیا جێگرێ خۆ سەرەدانا دەرازینکا سنوری یا ترێبیلییان ل پارێزگەها
ئەنبار کرن.
د ڕاگەهاندنێ دا هاتیە، ئارمانج ژ سەرەدانێ
هویربینیکرنە لسەر تومارێن مامەلەیێن رێڤەبریان و پشکنینا ئامیرەیێن سۆنەرێ و
بنگەهێن ساخلەمیێ و خزمەتگۆزاریان بوویە ژبوی هایداربوون لسەر چەوانیا هاوردەکرنا
کالا و مامەلەیێن گۆمرکی و سەرەدانیکرنا هۆلا پێشوازیکرنا گەشتیاران بوویە.
ئاماژە ب وێیەکێ ژی کریە، ئارمانجەکا دی ژ
سەرەدانا وان هایداربوون لسەر چەوانیا برێڤەبرنا مامەلەیێن گەشتیاران ل نڤیسنگەهێن
پاسپۆرت و دابیکرنا هەمی خزمەتگوزاریان بۆ گەشتیاران بوویە.
هەڤدەم، د ڕاگەهاندنێ دا هاتیە، پشتی
سەرەدانێ و جڤین دگەل رێڤەبەرایەتی و فەرمانگەهـ و نوینەرێن دەرازینکێن سنوری ئەڤ
حەفت رێمایە دەرخستە کو پێتڤیە هەمی دەرازینکێن سنوری پێڤە پێگیربن، ئەو ژی بریتینە:
١-هەماهەنگیکرن دگەل هەمی فەرمانگەهان و لێکگوهارتنا زانیاریان ب ئارمانجا تەمامکرنا
مامەلەیان.
٢- رێگریکرن ل یاریکرنێ ب کێشا کالایان یان گوهۆرینا ڕاچێتێ کالایان.
٣- تەکەزکرن لسەر هویربینیکرنا ئەوان کالایێن لێبورین ژ باجێ بۆ
دەرکەتیە و رێک نەدان ب هاتنا دناڤ واندا بتنێ ئامادەبوونا وان کەس و ئالیان نەبیت
یێن سەرپشککرینە.
٤- پشتراستبوون لسەر پشکنینکرنا کالایان و رێک نەدان ب هاتنا
وان بتنێ پشتی پشتڕاستبوونێ ل هەڤتابوونا ڕچێتا کالایان دگەل وان تایبەتمەندیێن
کالایان هەیە و ل گۆرەی رێکارێن دەزگەهێن ناڤەندی بۆ پێڤانە و کۆنترۆلا جوری.
٥- هویربینیکرن ل وەسل و پسۆلێ ب ئارمانجا رێگریکرنێ لسەر
ئەنجامدانا سەختەکاریکرنێ تێدا.
٦- پشتڕاستبوون لسەر پابەندبوونا هەمی فەرمانگەهان کو ل
دەرازینکێن سنوری کاردکەن و رێگریێ کرنێ ل دەستێوەردانێ ل دەستهەلاتان لگۆرەی
یاسایێن کارپێکری.
٧- هویربینیکرن لسەر هاتنا ترۆمبێلێن گەشتیاری و گەرەنتینەکرنا
دەمێ چوونا دەرڤە بۆ دەرڤەی وەلاتی لگۆرەی رێکارێن کارپێکری.