PM:08:58:14/08/2021
1528 جار خوێندراوەتەوە
+
-
ئەندامەکێ پەرلەمانێ عێراقێ
ڕاگەهاند، ل دەستپێکا ڤێ مەهێ دا جوداهیەک د هژمارتنێن داراییدا دروستبوویە کو زێدەترى
ژ ٢٥ ملیار دۆلارانە. دبێژیت، "ئەڤ کوژمێ پارەی ل سالا دەربازبووی د بازارێ
کڕینا پێتڤیان دا لێکگۆهاڕتن پێ هاتیە کرن و نەیێ دیارەى".
ئەڤرۆ شەمبی، ئەشەد سالحی
ئەندامێ پەرلەمانێ عێراقێ د ڕاگەهاندنەکێدا ئەشکەراکر، "ئەم حێبەتی ماین ل
دەمێ بۆ مە دەرکەفتی و وەزارەتا پلاندانانێ ئەشکەراکری قەبارەیێ هاوردەکرنا
کەلوپەلان ل سالا ٢٠٢٠ گەهشتیە ١٥ ملیار دۆلاران، لێ د هەمان دەمدا قەبارەیێ
پارەیێ لێکگۆهاڕتن پێ هاتیە کرن و بۆ دەرڤەی وەلاتی هاتیە رەوانەکرن ب مەرەما
کڕینا کەلوپەلان د هەمان سالدا گەهشتیە ٤٠ ملیار دۆلاران".
دبێژیت ژی، لدویف وێ یا بەنکا ناڤەندی
بەلاڤکری ئەو جوداهیە ئەشکەرابوویە، دەرکەفتیە ٢٥ ملیار دۆلار دیار نینن.
حەفتیا دەربازبووی ژی، وەزارەتا
پلاندانانا عێراقێ ڕاگەهاندیە، ل سالا ٢٠٢٠ ب هەڤبەرکرن دگەل سالێن ٢٠١٨ و ٢٠١٩
قەبارەیێ هاوردەکرنا کەلوپەلارن کێمبوویە.
ژ ئالیێ خۆڤە عەبدولزەهرە
هەنداوی پەیڤدارێ پلاندانانێ ڕاگەهاندیە، ئەو راپۆرتا دەزگەهێ ناڤەندی بۆ ئامارێ
ئامادەکری تێدا دەرکەفتیە، کۆما کەلوپەلێن هاوردەکری ل سالا ٢٠٢٠ و بەرهەمێن پەتڕۆلی
گەهشتیە ١٥ ملیار و ٤٠٠ ملیۆن دۆلاران، بڤێیەکێ ژی ب هەڤبەرکرن دگەل سالا ٢٠١٩ ب
ڕێژەیا %٢٥.٩ داکەتیە، ژبەرکو دوێ سالێ دا ب بهایێ ٢٩ ملیار و ٩٠٠ ملیۆن دۆلاران
کەلوپەل هاوردەکرینە.
ئەڤە ددەمەکیدایە، شارەزایێن
ئابوری و ئەندامێن لژنەیا پەرلەمانێ عێراقێ هایداریێ ددەن ژ قەبارێ پارەیێ ب هەروە
چووی و نەدیار ژ ئەنجامێ هویربینی نەکرن و دیڤدانەچوونێ د پسولەیاندا دروستبوویە.