PM:02:21:14/08/2021
1288 جار خوێندراوەتەوە
+
-
جینۆ سترادا نوژدارێ نەشتەرگەریان یێ ئیتالی و
چالاکڤانێ مافێ مرۆڤی و دامەزرێنەرێ رێکخراوا نەحکومی بۆ نەخۆشخانەیێن هەوارهاتنێ
ل دەڤەرێن شەری و ل هەرێما کوردستانێ، د ژیێ ٧٣ێ سالیی دا ژیانا خۆ ژ دەستدا.
سترادا ل وەلاتێ ڕەواندو بۆ یەمەنێ نەخۆشخانەیا
هەوارهاتنێ دامەزراندیە، زێدەتری ١١ ملیۆن کەسان ل ١١ وەلاتان چارەسەری ژێ
وەرگرتنە.
سترادا ل باژێرێ میلان ل نیسانا سالا ١٩٤٨ێ ژ
دایکبوویە، ل ٢١ی نیسانا ١٩٤٨ێ، سترادا باوەرنامەیا نوژداری و نەشتەرگەریێ ل
زانکۆیا ویلایەتا میلان بدەستڤە ئینایە، پسپۆرێ نەشتەرگەریێن هەوارهاتنێ یە.
پشتی بدەستڤە ئینانا باوەرنامەیا بەکالۆریۆسێ
گەشت بۆ ئەمریکا کر بۆ دەما چار سالان ل وێرێ ما و کار لسەر چاندنا دل و سیهان د
ناڤەندێن نوژداری یێن زانکۆیا ستانفۆرد و پیترسبێرگ کریە.
ل سالا ١٩٨٨ێ دگەل رێکخراوا خاچا سورا
نیڤدەولەتی ل هەر ئێک ژ پاکستان، ئەسیۆپیا، تایلاند، ئەفغانستان، پیرۆ، جیبۆتی،
سۆمال، بۆسنە و عێراق و هەرێما کوردستان و ئۆگەندا کارکریە.
ل سالا ١٩٩٤ێ دگەل هەڤسەرۆکێ تێریسا سەرتی و
هەڤکارێن خۆ نەخۆشخانەیا هەوارهاتنێ دامەزراند بۆ هەڤکاریکرنا وان کەسێن کو د شەری
دا برینداردبن.
