سەرنووچە:

بزاڤەک بۆ دەستکاریکرنا مووچەیێ فەرمانبەران دهێتە ئاشکراکرن

PM:02:07:14/08/2021

2532 جار خوێندراوەتەوە

+ -

پەیڤدارێ حکومەتا عێراقێ ڕاگەهاند، حکومەت نەشێت دەستکاریا مووچەیێ فەرمانبەران بکەت، ژبەرکو ئەڤە بابەتەکێ یاساییە و بێی جڤاتا وەزیران نەشێن دەستکاریا وی بابەتی بکەن.


ئەڤرۆ شەمبیێ، حەسەن نازمی پەیڤدارێ حکومەتا عێراقێ د چاڤپێکەفتنەکێ دا دگەل ئاژانسا نووچەیێن عێراقێ ئاماژە ب وێیەکێ کر، بابەتێ ئامادەکرنا پیڤەرێ نوی یێ مووچەی بۆ فەرمانبەران بابەتەکێ بهەڤرکییە دناڤبەرا دەستهەلاتدارێن جێبەجێکرن و یاسا دانانێ دا و هیڤیدارین د پرۆژەیاسایا سالا داهاتی دا جهێ پلەبلندکرنا فەرمانبەران هەبیت.

 

گوت ژی، سالێن خزمەتێ و پلە بلندکرنا فەرمانبەران ب سەدەما خانەنشینی و مرنێ شاندنە جڤاتا خزمەتا فیدرالی و ئەو دێ بڕیارێ لسەر دەن.

 

بەحسا وێیەکێ ژی کر، هیڤیدارن ئەو پرۆژە یاسایا بودجەیێ د سالا داهاتی دا دامەزراندن و شایستەیێن دارایی یێن پلە بلندکرنا فەرمانبەران بێهنە مەزاختن و بێهنە جێگرکرن، ژبەرکو د پرۆژەیاسایا ئەڤ سالەدا ب ئاوایەکێ جهێ وێ نەهاتبوو کرن.


دبیژیت ژی، پرۆژەیاسایا بودجەیێ ٢٠٢١ێ ل دادگەها فیدرالی ب هەلاویستی مایە و هێشتا چاڤەرێ ئەنجامان دهێتەکرن و وەزارەتا داریی ب هەماهەنگی دگەل وەزارەتا پلان دانانێ دەستپێکریە ب ئامادەکرنا پرۆژەیاسایا بودجەیێ ٢٠٢٢ێ بهایێ دۆلار و کاریگەریێن وێ یێن نەرێنی هەنە و چەند هەڤرکیێن کێم ل پێشیێنە و ئەگەر حکومەت گوهۆریننان د بهایێ دۆلاری دا نەکەتن ئابووریا وەلاتی دێ توشی ئاریشەیێن مەزن بیت.

گەلەری