PM:12:08:14/08/2021
748 جار خوێندراوەتەوە
+
-
ئەڤرۆ قەیرانا کێمیا بەنزینێ ل دهۆکێ دووبارە
سەرهەلدا و ل هندەک بەنزینخانەیان نێزیکی ٣٠ دیناران چوویە سەر هەر لیترەکا بەنزینا
نورمال.
نووچەگەهانێ ئین ئاڕ تی ل دهۆکێ ئاماژە ب
وێیەکێ کر، ئەڤرۆ دووبارە بەنزین ل وی باژێری کێمبوویە و ل هندەک بەنزینخانەیان
هەر نەمایە، هەڤدەم دیارژی کر، ل هندەک بەنزینخانەیان نێزیکی ٣٠ دیناران بۆ هەر
لیترەکێ زێدەبووییە، ئێک لیتر بەنیزنا نورمال گەهشتە ٨٥٠ هزار دیناران، نورمال ژی
گەهشتە ٩٥٠ دیناران.
نووچەگەهانێ ئێن ئاڕ تی ژ زارێ خۆدانێن
بەنزینخانەیان سەدەمێ کێمبوون و گرانبوونا بهایێ بەنزینێ بۆ وێیەکێ ڤەگێرا، کو بەشێ
بەنزینا کار یا دهۆکێ نەگەهشتیە وێ پارێزگەهێ و ئەڤ ئاریشە دروستکریە.
هەڤدەم، هەر ئەڤرۆ ل باژێرێ سلێمانیێ ژی جارەکا
دی بهایێ بەنزینێ گرانبوو و بهایێ هەر لیترەکا بەنزینا نورمال نێزیکی ٣٠ دیناران
زێدەکریە.
ئەڤە د دەمەکی دایە، رۆژا ٢٥ی حوزەیرانێ سەرۆکێ
ڤەلڤینا نەوەی نوێ ڕاگەهاند، ئەو بەنزینا دهێتە فرۆتن د قازانجا کۆمپانیێن حزبی دا
هاتیە گرانکرن و دشێن ب بهایێ ٥٠٠ دیناران بفرۆشن، هەڤدەم نەوەی نوێ بۆ دەما
مەهەکێ بەنزین ب بهایێ ٥٠٠ دیناران بسەر وەلاتیان دا بێی جوداهی پارڤەکر.
بڕیار نێرەوەی، دهۆک