AM:08:28:14/08/2021
896 جار خوێندراوەتەوە
+
-
ئەڤرۆ شەمبیێ، بهایێ بەرمیلەکا پەتڕۆلا خاڤا برێنت ل
گۆرەی بازارێن پەترۆلا جیهانێ ب ٧٠ دۆلار و ٥٩ سەنتان بازار پێ دهێتەکرن، بڤێ ژی هەڤبەر
دگەل دوهی بهایێ پەتڕۆلێ ٢٤ سەنتان داکەتیە.
هەڤدەم، بهایێ بەرمیلەکا پەترۆلا خاڤا ئەمریکی ژی گەهشتە
٦٨ دۆلار و ٤٤ سەنتان.
رۆژا ٢٥ی مەها هەزیرانێ بۆ ئێکەم جار د دەما سێ سالاندا
بهایێ پەترۆلا خاڤا برێنت بۆ زێدەتری ٧٧ دۆلاران بلندبوو
ل گۆرەی پێشبینیان د ئەڤ سالە دا هەڤبەر ب سالێن دەربازبووی،
خواست لسەر پەترۆلێ دێ زێدەکەت و بۆ ٩٦ ملیۆن و ٤٠٠ هزار بەرمیلان د رۆژەکێ دا.
د ڕاگەهاندنەکێدا وەزارەتا پەتڕۆلا عێراقێ بەلاڤکریە،
داهاتێ پەتڕۆلا مەها دەربازبووی یا عێراقێ شەش ملیار و ٥١٣ ملیۆن دۆلار بوون، ٩٠ ملیۆن
٤٦٧ هزار بەرمیلێن پەتڕۆلا خاڤ ب رێیا کۆمپانیا بازارکرنا پەترۆلێ (سۆمۆ) فرۆتیە.
ل گۆرەی ڕاگەهاندنا وەزارەتا پەتڕۆلا عێراقێ، هنارتنا
رۆژانە یا پەتڕۆلا عێراقێ د مەها دەربازبووی دا گەهشتیە دوو ملیۆن و ٩١٨ هزار بەرمیلان،
هەر بەرمیلەک ژی ب گشتی ب ٧٢ دۆلاران فرۆتیە.