PM:10:31:28/06/2025
156 جار خوێندراوەتەوە
+
-
میدیایێن عێراقێ بەلاڤکرینە، سەرۆک وەزیرێن عێراقێ دێ پشکداریێ د هەلبژارتنا بهێت یا
پەرلەمانێ عێراقێ دا کەت و سەرۆکایەتیا هەڤپەیمانیەکێ دکەت کو ٤٧٠ بەربژێران بخۆڤە
دگریت.
ئەڤرۆ شەمبی، میدیایێن عێراقێ بەلاڤکرینە، محەمەد شیاع سودانی،
سەرۆک وەزیرێن عێڕاقێ هەڤپەیمانیەک بۆ پشکداریکرن د هەلبژارتنا پەرلەمانێ عێراقێ
دا پێکئینایە و هەمی رێکارێن پشکداریکرنێ ژی د کۆمسیۆنا بلندا سەربەخۆیا هەلبژارتنێ
دا تەمام کرینە.
ئاماژ ب وێیەکێ ژیکر،
سەرۆک وەزیرێن عێراقێ بۆ هەلبژارتنا بهێت یا پەرلەمانێ عێراقێ سەرۆکایەتیا هەڤپەینیەکێ
دکەن بناڤێ (هەڤپەیمانی ئاڤەدانکرن و گەشەپێدان)، کو ٤٧٠ بەربژێر تێدانە ل هەمی
پارێزگەهێن عێراقێ بخۆڤە دگریت و ئەو بخۆ ژی لسەر پارێزگەها بەغدا ڤە بەربژێرە.
ئەڤە ژی د دەمەکێدایە، بڕیارە
ل رۆژا ١١ـی تشرینا دووێ یا ئەڤسالە هەلبژارتنا پەرلەمانێ عێراقێ برێڤەبچیت و بۆ د
وێ دەربارێ دا کۆمسیۆنێ گوتی، بەرهەڤکاریێن تەمام هاتینە کرن و رێکارێن خۆ
دەستپێکرینە.