PM:01:26:28/06/2025
68 جار خوێندراوەتەوە
+
-
رێڤەبەرێ کۆمسیۆنا دهۆکێ
ڕاگەهاند، 83% یا
دەنگدەرێن دهۆکێ کارتا بایۆمێتریێ نویکرینە و دێ دەنگی لسەر 11 کورسیێن پارێزگەها
دهۆکێ دەن بۆ پەرلەمانێ عێراقێ و 61 کەس ل دهۆکێ هاتینە بەربژێرکرن، بۆ وێ پرۆسەیێ
ژی وان پێدڤی ب 10 هزار چاڤدێران بۆ سەر سندوقان.
ئەڤرۆ شەمبی، خالد عەباس رێڤەبەرێ کۆمسیۆنا دهۆکێ د کۆنفرانسەکێ رۆژنامەڤانی دا ڕاگەهاند،
83% یا
دەنگدەرێن سنورێ پارێزگەها دهۆکێ کارتا بایۆمێتریێ نویکرینە.
ئاماژە ب وێ یەکێ ژی کر، بۆ هەلبژارتنا پەرلەمانێ عێراقێ 11 کورسی دێ
پشکا پارێزگەها دهۆکێ بن و تا نها 10 ئالیێن سیاسی لیستا ناڤێ بەربژێران رادەستی
وان کریە.
ئەو یەکژی بەرچاڤکر، ئەگەر هەنە هندەک بەربژێر بهێنە گۆهڕین ئەو ژی
ژبەر هەبوونا شاشیان ل پێشکێشکرنا مامەلەیێن بەربژێربوونا وان و تا ناڤێ بەربژێران
نەهێنە پەسەندکرن کەس ماف نینە دەست ب بانگەشەیێ بکەت.
گوت ژی، 61 بەربژێر ل سنورێ دهۆکێ هەنە و وان دێ پێدڤی ب 10 هزار
کەسان هەبیت بۆ سەر سندوقێن دەنگدانێ.
دەربارەی هژمارا
دەنگدەرێن ئاوارە ژی ل سنورێ دهۆکێ زەلالکر، بایۆمێتریا
زێدەتری 34 هزار ئاوارە ل سنورێ دهۆکێ هاتینە تۆمارکرن، لێ دەنگێ وان دێ بۆ سنورێ پارێزگەها نەینەوا هێنە
هژمارتن.
ئەڤە د دەمەکی دایە، بڕیارە
رۆژا 11ـێ هەیڤا 11 یا ئەڤسالە هەلبژارتنا پەرلەمانێ عێراقێ بهێتە ئەنجامدان و کۆمسیۆنا
بلندا هەلبژارتنێن عێراقێ ژی بەردەوامە ل بەرهەڤیان.