AM:11:42:28/06/2025
1632 جار خوێندراوەتەوە
+
-
ژێدەرەکێ بلند ژ حکومەتا دەم بسەرڤەچووی بۆ ئێن ئاڕ تی راگەهاند، شاندێ تەکنیکیێ بەغدا ل هەرێمێ
نە و راپۆرتێن خو دەربارەی خەرجیا داهاتان دێ ئامادەکەن، گوت ژی، بڕیارە سوبەهی یان
دوزبە شاندێ بلند بهێنە هەرێمێ و دەست ب کۆمبوونێ بکەن دەربارەی بابەتێ مووچەیی و
هنارتنا پەتڕولێ.
ئەڤرۆ شەمبی، ژێدەرەکێ بلند ژ حکومەتا دەم
بسەرڤەچووی بۆ ئێن ئاڕ تی راگەهاند، شاندێ بلندێ عێراقێ نەهاتیە هەرێمێ، لێ بریارە
سوبەهی بگەهیتە هەرێمێ و دەربارەی ئەنجامێن
راپرۆتا تەکنیکی کوم ببن.
ئاماژە ب وێیەکێ کر، ئەڤرۆ شاندێ تەکنیکی یا
عێراقێ راپۆرتەکێ دەربارەی بابەتێ مووچەیی و هنارتنا پەتڕۆلا هەرێمێ دێ بەرهەڤکەن،
پشترا دێ رادەستی شاندێ بلند کەن.
بەحس ل وێیەکێ ژی کر، هەر ئیك ژ نوینەرێ وەزارەتا
دارایی، جڤاتا بلندا ئابووری، شوینکارێ وەزارەتا پەترۆلێ و دیوانا چاڤدێریا دارایی یا
عێراقێ هەروەسا نوینەرێ کۆمپانیا سۆمۆ، دێ ل هەرێمێ بن.
گوت ژی، وەزارەتا دارایی و وەزارەتا سامانێن
سروشتی و دیوانا چاڤدێریا حکومەتا دەم بسەرڤەچووی دێ د کۆمبوونێ دا پشکداربن.
زەلال ژی کر، دەربارەی دەرئەنجامێ راپورتێن
شاندێ تەکنیکی یا عێراقێ، سوبەهی شاندێ بلند دێ کۆمبیت و دی ئەنجامان راگەهینن.