PM:08:27:27/06/2025
1052 جار خوێندراوەتەوە
+
-
سەرۆکێ فراکسیۆنا نەوەی نوێ ل گەرا بوری یا
پەرلەمانی کوردستانێ دبێژیت، نێزیکی دوو هەیڤانە مووچە نەهاتیە دابەشکرن و مووچەخۆرێن
هەرێمێ دبێژن، نێزیکی دوو هەیڤانە مووچە نەهاتیە دابەشکرن و مووچەخۆرێن هەرێمێ مووچەیێ
خۆ وەرنەگرتیە، زێدەتر ژ ٣٧ هزارخانەنشێنان شەش هەیڤن ئێک مووچە ب وان نەهاتیە دان،
رەوشا ژیانا مووچەخۆران گەلەک خرابە و پارتی و یەکێتی ژ دزینا داهاتێ ناڤخۆ و پەتڕۆل
وگومرکان بەردەوامن بێ کو هەست ب بەرپرسیارەتیێ بکەن و وی داهاتی ڤەگەرینن و مووچەیی
پێ دابەش بکەن.
ئەڤرۆ ئەینی، کاوە عەبدولقادر سەرۆکێ فراکسیۆنا
نەوەی نوێ د گەرا بوری یا پەرلەمانێ کوردستانێ دا گوت، دوهی شاندەکێ بلندێ عێراقێ
ژ وەزارەتا پەترۆل و دارایی گەهشتیە هەرێمێ و دەمژمێر پێنجی ئێڤاری دگەل بەرپرسێن
حکومەتا دەم بسەرڤەچووی کۆمبیت و بریاڕە سوبەهی کۆمبوونەکا دی بکەن.
ئاماژە ب وێیەکێ ژی کر، دەلیڤەیەکا گرنگە
هەرێم دگەل بەغدا رێکەڤیت و نیڤا داهاتێن فیدرالی بۆ بەغدا بهنێریت و پەتڕۆل برێکا
کومپانیا سۆمۆ بهێتە هنارتن، نە ب رێکێن قاچاغ و ب نیڤ بهایێ بازاری بهێتە فرۆتن و
داهاتی ژی بدزن.
بەحس ل وێیەکێ ژی کر، پەتڕۆل د بازارێن
جیهانێ دا ب ٧٠ دۆلارانە لێ هەرێم ب ٣٠ دۆلاران د فرۆشیت و ئەگەر ئەڤە دزی و تالان
نەبیت چ تشتە؟ ژ بەر هندێ تاکە رێک رێکەفتنە دگەل بەغدا و دوماهی ئینانە ب وێ دزی
و تالانێ.
دبێژیت، پارتی و یەکێتی و بنەمالا بارزانی و
تالەبانی، مەسرۆر و قوباد هوین بەرپرسن ژڤێ رەوشێ هوین بەرپرسن لسە دزیکرنێ ژ خەلکێ،
بەغدا د ئەڤسالە دا چار مووچە داینە مووچەخۆرێن هەرێمێ و چار ترلیۆن و ٢٠٠ ملیار
دینار هنارتینە ئەرێ هوین چ تشتن بۆچی هەوە مووچەیەک نەدایە مووچەخۆران، ئەڤە چ جورێ
حکومرانیێ یە ل کیرا دونیایێ ئەڤ جورێ حکومرانیێ هەیە؟