PM:04:38:25/06/2025
1088 جار خوێندراوەتەوە
+
-
د بەرسڤا ئاخفتنێت مەسرور بارزانیدا شاسوار عەبدولواحید، سوپاسیا خۆڕاگریا
وەلاتییان نەکەن، بەلکی سوپاسیا بنەمال و کۆمپانیایێن خۆ بکەن کو ب ملیاران دۆلارێن
وەلاتییان دزینە و بێژنە وان ئەوان پاران ڤەگەڕینن و مووچەی پێ دابەشبکەن. گوت ژی،
پارتی و یەکێتی جارەکا دی ل هەلبژارتنا دەربچن رەوشا خەلکی سەدجاران هندی نها دێ
خرابتربیت.
ئەڤرۆ چارشەمبی، شاسوار عەبدولواحید، سەرۆکێ ڤەلڤینا نەوەی نوێ د بەرسڤا
ئاخفتنێت مەسرور بارزانی سەرۆکێ حکومەتا دەم بسەرڤەچووی راگەهاند، ب بنەمال و
کۆمپانیایێن خۆ یێن دزیان دکەن بێژن پارێ خەلکی ڤەگەڕینن و مووچەی پێ دابەشبکەن.
ئاماژە ب وێیەکێ ژیکر، پارتی و یەکێتی دەست بسەر داهاتێ پەتڕۆل و ناڤخۆدا گرتییە
و حکومەتا دەم بسەرڤەچووی ژی ٤٤١ ملیار دینارێن مووچەیێ هەیڤا ١٢ـێ یا ٢٠٢٤ لانە و
دابەش ناکەت.
گوت ژی، سوپاسیا بنەمال و کۆمپانیایێن خۆ بکەن کو ٣٤ سالە خەلک خۆڕاگر
بوویە ل هەمبەر دزیێن یەکێتی و پارتی.
بەحسا وێیەکێ ژیکر، بەری هەلبژارتنێن کوردساتانێ گوتبوو ئەگەر خەلک دەنگی
نەدەت دێ پارتی و یەکێتی دەرچن بۆ ڤێ هەلبژارتنێ ژی هەرکەسەکی گوت هەلبژارتنان مفا
نینە سەر ب دەستهەلاتێیە و داخاز ژیکر وەلاتی هەیڤا یازدە دەنگی بدەن و نەوەی نوێ
بکەنە نوێنەر بۆ وێیەکێ هەمی ئاریشە بهێنە چارەسەرکرن.