PM:01:46:25/06/2025
420 جار خوێندراوەتەوە
+
-
فراکسیۆنا نەوەی نوێ ل
پەرلەمانێ عێراقێ دبێژیت، د دەمەکێدا خەلکێ کورستانێ ب گشتی و مووچەخۆر چاڤەرێ بوون
حکومەتا دەم بسەرڤەچووی لسەر دابەشکرنا مووچەی بڕیارێ بدەت، لێ سەرۆکێ حکومەتا دەم
بسەرڤەچووی جارەکا دی شکەستنا خۆ و جێگرێ خۆ سەلماند و دبێژیت، مووچە ب مە ناهێتە
دان دگەل وێیەکێ کو ٢٣ ترلیۆن دینار لبەردەستێ وان دایە یێ داهاتێ ناڤخۆ و پەترۆلێ.
ئەڤرۆ چارشەمبی، فراکسیۆنا نەوەی نوێ ل پەرلەمانێ عێراقێ
راگەهاندنەک بەلاڤکر و تێدا هاتیە، ئاخفتنێن سەرۆکێ حکومەتا دەم بسەرڤەچووی جارەکا
دی سەلماند کو پارتی و یەکێتی دوو هێزێن دز و شکەستن خاری نە و چ منەت ب دەبارا
ژیانا وەلاتیان نینە و پارەیێ داهاتێ پەترۆلێ و داهاتێ ناڤخۆ لدەف وان گەلەک
گرنگترە ژ دەبارا ژیانا وەلاتی و مووچەخۆران.
فراکسیۆنا نەوەی نوێ
دبێژیت ژی، د دەمەکێدا خەلکێ کوردستانێ ب گشتی و مووچەخۆر چاڤەرێ بوون حکومەتا دەم
بسەرڤەچووی لسەر دابەشکرنا مووچەی بڕیارێ بدەت، لێ سەرۆکێ حکومەتا دەم بسەرڤەچووی جارەکا
دی شکەستنا خۆ و جێگرێ خۆ سەلماند و دبێژیت، "مووچە ب مە ناهێتە دان".
ئاماژە ب وێیەکێ ژیکر،
هەمی بزاڤێن پارتی و یەکێتی بۆ تژیکرنا بەریکا مەسرور بارزانی و قوباد تالەبانی و حزبێن
وانە، ئەگەر نە بەرۆڤاژی ئاخفتنێن سەرۆکێ حکومەتا دەم بسەرڤەچووی داهاتێ ناڤخۆ و
پارەیێ پەترۆلێ گەلەک زێدەیە ژی بۆ دابەشکرنا مووچەی.