AM:09:13:19/06/2025
776 جار خوێندراوەتەوە
+
-
سەرۆک وەزیرانێ
عێراقێ، پێشێلکرنا سەروەریا ئاخا عێراقێ رەت دکەین و گوت، پێدڤیە کۆمەلگەها نێڤدەولەتی
رۆل د کێمکرنا ئالۆزیاندا هەبیت.
ئەڤرۆ
پێنجشەمبی، ل دیف راگەهاندنەکا نڤیسینگەها سەرۆک وەزیرانێ عیراقێ هاتییە، محەمەد
شیاع سودانی، سەرۆک وەزیرانێ عێراقێ دگەل لەتیف رەشید، سەرۆک کۆمارێ عێراقێ کۆمبوویە
و بەحسا دویماهی گۆهڕینان کریە.
دڤی باریدا
هەردوو لایان تەکەز لسەر گرنگیا رۆلێ کۆمەلگەها نێڤدەولەتی ل کێمکرنا ئالۆزیان و
راگرتنا دەستدرێژی و سنوردارکرنا بەرفرەهـبوونا ململانان کر.
د کۆمبوونێ دا،
رەتکرنا پێشێلکرنا سەروەریا ولاتی ژلایێ ئیسرائیلێ و مەترسی بۆ سەر ئەسمانێ ولاتی
دووپات کرن.
هەڤدەم هەردوو
لایان تەکەز ل پالپشتیا عێراقێ بۆ بزاڤێن حکومەتێ بۆ گرتنەبەرا رێکارێن یاسایی
دگەل ناڤەندێن نێڤدەولەتی بۆ پاراستنا مافێن خۆ، هەروەسا بزاڤا دیپلۆماسی دگەل
ولاتێن دەڤەرێ و جیهانێ بۆ دەستپێکرنا دانوستاندنێن دناڤبەرا ئیران ئەمریکا.
هەر دوێ دیدارێ
دا تەکەز لسەر گرنگیا ئێکرێزیا ناڤ هەمی هێزێن سیاسی و چالاکیێن جڤاکی هاتەکرن و
دووپاتی ژی هاتەکرن ل پالپشتیکرنا بزاڤێن حکومەتێ بۆ رویبروبوونا هەر جۆرە
ئاستەنگەکێ کو رویبرووی دەڤەرێ دبیت.