PM:01:22:10/05/2025
696 جار خوێندراوەتەوە
+
-
پشتی تۆمارکرنا ئێکەم حالەتێ تایا خوینبەربوونێ ل
دهۆکێ و ژیان ژدەستدانا ژنەکا 45 سالی، رێڤەبەریا ساخلەمیا دهۆکێ چار رێنمایێ
بەلاڤکرن بۆ خۆ پارێزیێ ژ تایا خوینبەربوونێ.
ئەڤرۆ شەمبی، پشتی ژیان ژدەستدانا ژنەکێ ب تایا
خوینبەربوونێ، رێڤەبەریا ساخلەمیا دهۆکێ رێنمایێن خۆ پارێزیێ ژ تایا خوینبەربوونێ
بەلاڤکر و داخاز ژ وەلاتیان دکەت پێگیری وان رێنمایان بن.
رێنمایێن خۆ پارێزیێ بریتینە ژ:
1.خو بپارێزه ژ له‌قێن كرنیا(Ticks) ب رێكا وه‌رگرتنا جل و به‌رگێن
هچگ و ده‌لنگ درێژ ب تایبه‌تى ل جهێن بخودانكرنا ئاژه‌لان.
2.خۆ بپارێزه ژ خوین و شله‌مه‌نیێن ئاژه‌لان (په‌زێ سپى، چێل، گولك،
بزن) ل ده‌مێ سه‌ره‌ده‌ریێ دگه‌ل ئاژه‌لان دكه‌ن یان ل ده‌مێ سه‌ربرینا ئاژه‌لان یان
بخودانكرنا ئاژه‌لان ب رێكا وه‌رگرتنا كه‌لوپه‌لێن خۆ پارێزیێ وه‌كو ده‌ستوگورك
(كفوف) و گاون (صدریه) و ده‌مامك (ماسك) بکاربینن.
3.خۆ دوویركه‌ن ژ نه‌خوشێن تایێ و ئەوێن نیشانێن خوینبه‌ربوونێ هه‌بن.
4.ل ده‌مێ تا و نیشانێن خوینبه‌ربوونێ هه‌بن ب تایبه‌تى لدەف وان كه‌سێن
سه‌ره‌ده‌ریێ دگه‌ل ئاژه‌لان دكه‌ن پێدڤیه بزوویترین ده‌م سه‌ره‌دانا جهێن
نوژداری بكه‌ن بۆ وه‌رگرتنا چاره‌سه‌ریێن پێدڤى.