AM:10:53:10/05/2025
592 جار خوێندراوەتەوە
+
-
بەرێ سپێدەهیا ئەڤرۆ ل دهۆکێ ژنەکا ٤٥ سالی یا تووشبووی
ب تایا خوینبەربوونێ ل نەخۆشخانەیا ئازادی خۆ ژدەستدا.
ئەڤرۆ شەمبی، رێڤەبەریا ساخلەمیا دهۆکێ ڕاگەهاند، ئێکەم تووشبوویا
تایا خوینبەربوونێ ل دهۆکێ ژیانا خۆ ژدەستدا.
ئاماژە ب وێ یەکێ ژی کر، 7ـێ ڤێ هەیڤێ نەخۆش ل ئامێدیێ
بۆ نەخۆشخانەیا ئازادی ل دهۆکێ هاتیە ڤەگوهاستن و پشتی ئەنجامدان و هنارتنا پشکنینان
بۆ بەغدا دیاربوویە کو تووشبوویا خوینبەربوونێ یە، لێ شەڤا دەربازبووی پشکنین ل
بەغدا ڤەگەریاینە و ئەڤرۆ وێ تووشبوویێ ژیانا خۆ ژدەستدا.
ئەو یەکژی بەرچاڤکر، وێ ژنا ژیانا خۆ ژدەستدای ئاکنجیا شێلادزێ
بوو و ژیێ وێ 45 سال بوون.
بەحسا وێ یەکێ ژی کر، هەمی ئالیەکی پشتراست دکەن کو چ حالەتێن
دی یێن تایا خوینبەربوونێ ل دهۆکێ نینە.
ئەڤە د دەمەکی دایە، حەفتیا دەربازبووی ژی حالەتەکێ تایا
خوینبەربوونێ ل کۆیە هاتە تۆمارکرن، لێ د نها دا ساخلەمیا وی تووشبووی بنەجهە و
مەترسی لسەر ژیانا وی نینە.