PM:05:51:01/11/2021
860 جار خوێندراوەتەوە
+
-
هەژمارەکا قوتابیێن زانکۆیا زاخۆ کو خەلکێ
دهۆک و سێمێلێ و دەوروبەران بوون خڕڤەبوونەکا نەرازیبوونێ ئەنجامدان، ل گۆرەی زانیاریێن نووچەگەهانێ
ئێن ئاڕ تی ژی، چەند شۆفێرێن پاسان ژ کارێ وان هاتینە لادان و بوویە سەدەمێ
نەرازبوونا قوتابیان.
نووچەگەهانێ ئێن ئاڕ تی ل زاخۆ دیارکر، ئێڤاریا
ئەڤرۆ هەژمارەکا قوتابێن زانکۆیا زاخۆ کو خەلکێ دهۆک و سێمێلێ و دەوروربەرا نە و
خاندنا وان ل زانکۆیا زاخۆیە ژبەر لادانا شۆفێرێن خۆ یێن پاسا خڕڤەبوونەکا
نەرازیبوونێ ئەنجامدان و داخازا ڤەگەراندنا وان دکەن.
ژ زارێ قوتابیەکی ئاماژە ب وێیەکێ ژی کر، ئێک
ژ سەدەمێ خڕڤەبوونا قوتابیان ئەوبوویە کو سالانە رێکخراوا ئێکەتیا قوتابیێن
کوردستانێ لقێ زاخۆ ٥٠٠ هزار دیناران ژ شۆفێرێن
پاسا وەردگریت لهەمبەر وێیەکێ کارێ
ڤەگۆهاستنا قوتابیان ب وان بهێتە دان و ڤێ یەکێ ژی نەرازیبوونا شۆفێران ل دیڤ خۆ ئینایە و بایکوتا کارێ خۆ
کرینە.
دەربارەی ڤی بابەتی ئێن ئاڕ تی پەیوەندی ب رێکخراوا
قوتابیان کر و ئەوان ژی پشتراستکر، کو سالێن دەربازبووی ئەو کۆژمێ پارەی ژ شۆفێران
هاتیە وەرگرتن و ئەو ب وی پارەی چەند چالاکیان ژبوی قوتابیان ئەنجام ددەن.
هەڤدەم، د بەردەوامیا دیڤچوونا ئێن ئاڕ تی دا
ئێک ژ شاهدحالان دیارکر، چەند شۆفێر ژکارێ وان هاتینە لادان و هندەکێن
دی ل شینا وان هاتینە دانان ژبەر وێیەکێ قوتابی داخازا شۆفێرێن خۆ کرن و
خرڤەبوونەکا نەرازیبوونێ لهەمبەر ڤی کاری ئەنجامدان.
ئەڤە د دەمەکێ دایە، سالانە ب دەهان پاسێن
مەزن و بچیک ژ باژێرێن دهۆک و سێمێل و دەڤەرێن دی وان قوتابیێن کو ناڤێن وان ل
زانینگەها زاخۆ هاتینە و ناخوازن ل بەشێداخلی بمینن دگەهیننە زانینگەهێ و گرێبەستێن مەهانە و سالانە دگەل قوتابیان
بۆ ڤەگۆهاستانا وان گرێددەن.
وەحید سندی، زاخۆ