PM:04:39:10/03/2024
1792 جار خوێندراوەتەوە
+
-
وەزارەتا ئەوقافێ و
کاروبارێن ئایینی چەند رێنمایەکێن تایبەت بۆ مزگەفتان د مەها رەمەزانێ دا
بەلاڤکرن، هژمارەکا رێنمایێن کارگێڕی ژی ئاراستەی خارنگەهـ و کافتریا دەزگەهێن
راگەهاندنێ کرن و کو رێزێ ل مەها رەمەزانێ بگرن.
دبیت سوبەهی یان دووسبە ئێکەم رۆژا مەها رەمەزانێ بیت
ولژنەیا بلند یا دیتنا هەیڤێ ئەڤڕۆ دێ بڕیارێ دەت. نڤیسارەک بۆ هەمی رێڤەبەرێن
گشتی ل هەولێرێ، سلێمانی، دهۆک، گەرمیان، هەلەبجە، هنارتیە و هاتینە هایدارکرن، چەندین
رێنمایی ئاراستەی وان کرینە داخاز دکەن هەمی پێگیری بڕیاران ببن.
١. گوتارێن کورت پشتی
ئێڤاری، ژ بەر رەوشا رۆژیگران تنێ ٢٠ خولەک بن و تنێ مامۆستایێ ئاینی پێشکێش بکەت،
ب بکارئینانا مایکرۆفۆنا ناڤخۆیا مزگەفتێ، بابەت ژی گرێدایی بن ب پەرستنا خودای و
بابەتێن پەروەردەیی و هۆشیاریێ و روبرویبوونا ماددێ هشبەر.
٢. دەمێ
ناڤبەرا ئیمساک و بانگێ سپێدێ لدیڤ خشتەیا پارێزگەهێ بیت.
٣. تنێ ل ١٠
شەڤێن داویا مەها رەمەزانێ، دەرگەهێن مزگەفتان دێ ڤەکری بن تا نوێژا سپێدێ ب
مەرجەکی ب رەزامەندیا پێشنڤێژ خوینێ و گوتار خوێنێ مزگەفتێ.
٤. چ کەسەکی ماف نینە ژ
بلی پێشنڤێژ خوێنی و گوتار خوینێ مزگەفتێ، مەراسیمێن ئاینی و تەراویحا ب ئەنجامبدەت.
٥. پشتی بانگێ عەیشا، دناڤبەرا ١٥- ٢٠ خولەکان پشتی هنگی
نڤێژ دێ هێتە کرن، ژ بەر رەوشا رۆژیگران، لسەر بنامایێ شەرعی دڤێت نڤێژا عەیشا ژ
روویێ درێژی و کورتیێ ڤە بهێتە بەرچاڤوەرگرتن.