PM:05:32:05/10/2021
768 جار خوێندراوەتەوە
+
-
پشتی وێیەکێ دوهی بۆ جارەکا دی، دادگەهکرنا
چار چالاکڤانێن دەستەسەرکری یێن بەهدینان هاتە پاشخستن، ئەڤرۆ سەرۆکێ تیما
پارێزەرێن دەستەسەرکریێن بەهدینان ڕاگەهاند، سوبەهی پێنج ژ دەستەسەرکریێن دی یێن
بەهدینان دێ هێنە دادگەهکرن.
بەشدار حەسەن سەرۆکێ تیما پارێزەرێن
دەستەسەرکریێن بەهدینان بۆ ئێن ئاڕ تی ڕاگەهاند، "سوبەهی چارشەمبێ دادگەهکرنا
هەر ئێک ژ سلێمان کەمال، سلێمان موسا، فرسەت ئەحمەد و جەمال خەلیل دێ
برێڤەچیت".
دوهی دووشەمبێ، دادگەهکرنا چار چالاکڤانێن
دەستەسەرکریێن بەهدینان هاتە پاشخستن، سەدەم ژی بۆ ڤەگۆهاستنا دوو دادوەران ڤەگەراندن.
دەما زێدەتری ١٤ مەهایە، هەژمارەکا چالاکڤان
و رۆژنامەڤانێن بەهدینان ژ ئالیێ دەزگەهێن ئەولەکاریا هەرێمێ ڤە ب چەند توهمەتان
هاتنە دەستەسەرکرن، پشترە دادگەها پێداچوونا هەرێمێ بڕیارا سزایێ شەش سالێن
زیندانکرنێ بۆ پێنج ژ وان دەستەسەرکریان دەرخست، زێدەباری رەخنەیان ژی، لێ ل داویێ
دادگەهێ بڕیار پەسەندکر.