PM:04:40:05/10/2021
1280 جار خوێندراوەتەوە
+
-
د ئەنجامێن ژ کارکەفتن و ڕاوەستیانا تۆرێن
جڤاکی یێن فەیسبووک و ئینستگرام و واتسئەپ، هەر ئێک ژ گۆگل و ئەپل و ئەمازۆن و
مایکرۆسۆفت زیانێن مەزن بەر ب پشکێن وان کەفتنە.
رۆپەلا بلۆمبیرگییا ئەمریکی بەلاڤکریە،
کۆمپانیا فەیسبووکی مەزنترین زیان بەر کەفتیە ب رەنگەکێ برێژا ٤.٨٩%ێ پشکێن خۆ ژ
دەستدایە کو دکەتە ٣٢٣ ملیۆن و ٢٣٠ هزار دۆلار.
ئاماژە ب وێیەکێ ژی کریە، پشکا کۆمپانیا
گۆگلی برێژا ٢.١١%ێ و پشکا ئەپل برێژا ٢.٤٦%ێ و پشکا کۆمپانیا ئەمازۆن برێژا ٢.٨٥%ێ
و کۆمپانیا مایکرۆسۆفت برێژا ٢.١%ێ زیان بەرکەفتنە.
ئەڤە د دەمەکێ دایە، دەمژمێر ٢:٥٠ خۆلەکێن
ئێڤاریا دەربازبووی بەشەک ژ تۆرێن جڤاکی یێن جیهانی ژ کارکەفتن و دناڤ وان ژیدا
فەیسبووک و واتس ئەپ و ئینستگرام بوون.
رۆژناما نیۆیۆرک تایمزا ئەمریکی بەلاڤکریە،
دووو ئەندامێن ئاسایشا فەیسبووکی کو نەخواستنە ناڤێن خۆ ئاشکرا بکەن ڕاگەهاندنە،
"ژ کارکەفتنا ئەپلیکەیشنێ بۆ هێرشا ئەلیکترۆنی و هاککرنێ ڤەناگەریت، هەڤدەم
بسەدەما تەکنەلۆژیایا ئەپلیکەیشنی ب ئیکجاری ئەپلیکەیشن ژکار نەکەفتیە".
رۆپەلا "روسیا تودەی" قەبارێ
زیانێن دەستپێکی بەلاڤکرینە و تێدا هاتیە، "ریژەیا پشکێن کۆمپانیا فەیسبووکی
ب بهایێ ٣٢٣.٥٦ ملیۆن دۆلاران داکەتیە، کو ئەڤەژی دکەتە رێژا ٥.٥%ێ".
د مەها تەمموزا ئەڤ سالەدا، لگۆرەی ئامارێن
فەرمی یێن فەیسبووکی، ئەپلیکەیشن، ئێک ملیار و ١٩ ملیۆن بکارئینەر رۆژانە هەبوویە،
هندەک ژ خەملاندنان ژی، فەیسبووک ب "لەزاتیا ئەپلیکەیشنێ" دهێتە بناڤکرن.