PM:03:53:05/10/2021
2280 جار خوێندراوەتەوە
+
-
پشتى دەربازبوونا
زێدەترى سالەكێ ژ دەستەسەركرنا ماموستا بەدەل بەروارى و چەندين جارێن پاشداخستنا
دادگەھكرنا وى ب بەھانەيێن جودا، ل رۆژا ماموستايان كەسايەتيەكێ جڤاكى داخازا
ئازادكرا وى دكەت و دبێژيت بەدەل بەروارى بتنێ داخازا مافێن ماموستايان كريە.
تەیب چەمانکی
کەسایەتیێ جڤاکی د نڤیسینەکێدا ل تۆڕا جڤاكيا فەيسبووكى بەلاڤکریە و ئاماژە ب وێيەكێ
كريە، "یا ئەز تێگەهشتیم ماموستا بەدەل داخازا مافێن ماموستایان یان کری، ئەگەر
ماموستا بەدەلی ئاخفتن بێی دلێ هەوە ژی کربیت یان خەلەتیەک هەبیت بدەنە خاترا زارۆکێن
وی و بدەنە خاترا هوزا بەرواریا و بدەنە خاترا رۆژا ماموستایان، سلاڤ و رێز بۆ سەرۆکێن
کوردستانێ".
ئەڤ داخازیە
ددەمەکیدایە، چەندین جاران داخازا ئازادکرنا وی و چەندین دەستەسەرکریێن بەهدینان هاتیە
کرن ژ ئالیێ وەلاتێن جیهانی وەک بەریتانیا و فەرەنسا و ئەلمانیا و جڤاکا
ناڤدەولەتی، چەندین جاران ژی پارێزەران تانە ل بڕیارا دادگەهێ دایە، زێدەباری
ڤێیەکێ سزایێ زیندانیکرنێ بۆ چەند چالاکڤان و رۆژنامەڤانێن بەهدینان دەرچوو،
دادگەهکرنا ماموستا بەدەل بەرواری ژی هەیا نها بڕێڤەنەچوویە.
