سەرنووچە:

فڕاکسیۆنا نەوی نوێ: پارتی و یەکێتی دڤێن بەغدا پارەیێ مووچەخۆرێن هەرێمێ نەهنێریت

AM:11:28:26/09/2023

1428 جار خوێندراوەتەوە

+ -

پەرلەمانتارەکێ فڕاکسیۆنا نەوەی نوێ ل پەرلەمانێ عێراقێ ڕاگەهاند، پارتی و یەکێتی دڤێن ب دابەشنەکرنا مووچەی وەسا ل بەغدا بکەن هنارتنا پارەیێ مووچەخۆرێن هەرێمێ ڕابگریت.

ئەڤرۆ سێشەمبی، رێبوار ئەورەحمان پەرلەمانتارێ نەوەی نوێ ل پەرلەمانێ عێڕاقێ ڕاگەهاندنەک بەلاڤکر و تێدا هاتیە، بەغدا ب مەرجێ دابەشکرنا مووچەی پارەی بۆ هەرێمێ دهنێریت، لێ پارتی و یەکێتی ب دابەشنەکرنا مووچەی وی مەرجی دشکینن.

ئەو یەکژی بەرچاڤکر، حکومەتێ پارەیێ پێدڤی بۆ دابەشکرنا دوو مووچەیان ب زێدەهی ڤە لبەردەستە.

بەحسا وێیەکی ژی کر، ب گوتن و دانپێدانانا حکومەتا رێڤەبرنا کارێن هەرێمێ داهاتێ ناڤخۆ زێدەتری ٣٢٠ ملیار دینارانە و لدویف زانیاریان داهاتێ ناڤخۆ گەلەک زێدەترە ژ ئەوا هاتیە ئەشکراکرن و سێ مەهن داهاتێ ناڤخۆ لدەف حکومەتا رێڤەبرنا کارانە و رادەستی بەغدا نەکریە.

دبێژیت ژی، کۆما ئەو داهاتێ د نها دا لبەردەستێ حکومەتا رێڤەبرنا کارانە ترلیۆنەک و ٤٩٩ ملیار دینارن، لێ سێ مەهن مووچە دابەشنەکریە، هەروەسا تا نها ژی مووچەی ب 10 رۆژان دابەش دکەت. د دەمەکی دا، بەری نها هند جاران ب سێ رۆژان مووچە هاتیە دابەشکرن.


 

گەلەری