PM:10:28:27/08/2021
796 جار خوێندراوەتەوە
+
-
ب سەدەمەکێ نەدیار چار رۆژە ئاگر ب پشتا چیایێ
گارە کەفتیە و تا نها نەهاتیە کۆنترۆل کرن و ئاگر بەردەوامە.
تائیف گۆران نووچەگەهانێ ئێن ئاڕ تی ڕاگەهاند، بسەدەمەکێ
نەدیار ئاگر ب پشتا چیایێ گارە ژ ئالیێ دۆلا نەهلێ کەفتیە و ژبەر مەترسیا بۆردومانێ
و هەبونا هێزێن پەکەکێ تا نها ئاگر پێڤەیە.
بێوار عەبدولعەزیز پەیڤدارێ رێڤەبەریا بەرەڤانیا
باژێڕی ل دهۆکێ بۆ ئێن ئاڕ تی راگەهاند، ژبەر مەترسیێن بۆردومانێن تورکیا و پەکەکێ
تیمێن مە نکارن بچنە جهێ روودانێ بۆ کۆنترۆل کرنا ئاگری.
ئەڤە د دەمەکی دایە، دهەیاما چەند
مەهێن دەربازبوویدا چیایێ گارە و دۆلا نەهلێ چەندین جاران هاتیە بۆردومان کرن و ب
وی سەدەمێ ئاگر بەر ب چیایێ کەفتیە و کۆنترۆلکرنا ئاگری ژی ژبەر مەترسیێن بۆردومانێن
بالەفرێن تورکیا و هەبوونا هێزێن پەکەکێ بزەحمەت دکەڤیت.
