PM:06:57:27/08/2021
272 جار خوێندراوەتەوە
+
-
گوتوبێژا دروستبوون و
نەبوونا خوارنێن پشکەک ژ خوارنێن دەریایی ل تورکیا مارڤەدان لدیف خۆ ئینان و
سەرۆکاتیا کاروبارێن ئاینیێن وی وەلاتی ژی ڕاگەهاند، بابەت یێ نوی نینە و هەلویستێ
وان تشتەکێ نوی تێدا نینە.
میدیایێن تورکیا
بەلاڤکریە، سەرۆکاتیا کاروبارێن ئاینی"دیانەت" خارنا مسایا رۆبیان و
قڕژال و کەرکەندی ب نە دروست دانایە و دبێژیت، ئەڤ خارنێن دەریایی خارنا وان حەلال
نینە.
پشتی بەلاڤبوونا ڤی
نووچەی، سەرۆکاتیا کاروبارێن ئاینی، مەندەهوشیا خۆ دەربریە ژ دەرخستنا ڤێ فەتوایێ
و د تویتەکی دا ڕاگەهاند، هەلویستێ وان دەربارەی خارنێن دەریایی یێ نوی نینە.
دیانەت ئاماژە ب وێیەکێ
ژی کریە، فەتوایا خۆ دەربارەی حەلال نەبوونا خارنا وان خارنێن دەریایی ل رۆپەلا
فەرمی یا خۆ و تورێن جڤاکی بەلاڤکریە و فەتواژی بەرسڤا پسیارا کەسەکی بوویە
دەربارەی دروستبوون و نەبوونا وان خارنێن دەریایی.
سەرۆکاتیا کاروبارێن
ئاینی ئەوژی دایە دیارکرن، پشکەک ژ خارنین دەریایی دروست نینە بهێنە خارن و د
ئیسلامێ دا حەرامن، د قورعانێ دا رێک هاتیە دان ب خارنا خارنێن دەریایی بتنێ ئەوێن
دناڤ ئاڤێ دا دژین، لێ هشکاڤیان، ئەوێن دناڤ ئاڤ و هشکاتیێ دکارن بژین رێک پێ
ناهێتە دان.
د درێژیا رونکرنێ دا
دیانەت ئاماژە ب وێیەکێ کریە، ل گوڕەی مەزهەبێ حەنەفی، کو تورکیا وی مەزهەبی
پەیرەو دکەن، رۆبیان و قڕژال و کەرکەندا خارنا وان رێک پێ نەهاتیە دان، لێ د
مەزهەبێ شافعیدا، خارنا بەق و قڕژال و کیسەلێ ئاڤی و مارێ ئاڤێ رێک پێ هاتیە دان
بهێنە خارن.
دبێژیت ژی، ئەو
گیانەوەرێن دەریایی یێن د هشکاتیێ دا دژین، ل دەمەکی رێک پێ دهێتە دان بهێنە خارن
ئەگەر هەڤشێوەیێ وان گیانەوەران نەبن کو د هشکاتیێ دژین و دهێنە خارن.