PM:04:18:27/08/2021
1224 جار خوێندراوەتەوە
+
-
بڕیاربوو ئەڤرۆ ئەینیێ ل پشتی دەمژمێر ٤ ئێڤاری ئاکنجیێن هەشت گوند و دوو
کومەلگەهان لسەر نەبوونا خزمەتگوزاری و خرابیا رێیان خۆپیشاندانان بکەن، لێ هێزێن ئەولەکاریێ
ڕێگری ل وەلاتیان کر.
نوینەرێ خۆ پیشاندەران بۆ ئێن ئاڕ تی ڕاگەهاند، بڕیار بوو وەلاتیێن هەشت
گوند و دوو کومەلگەهان لسەر نەبوونا خزمەتگوزاری و خرابیا رێیک و بانان ئەڤرۆ ل دەمژمێر
٤ی ئێڤاری، لسەر رێیا گوندێ کەورەسۆر ل سنورێ ناحیا کەلەك ل قەزا بەردەرەش خۆپیشاندانێ
بکەن.
ئاماژە ب وێیەکێ ژی کر، کو د خۆپیشاندانێ دا دا رێیا دناڤبەرا هەولێر- دهوك
دائێخن بسەدەمێ نەبوونا خزمەتگوزاریان و رێک و بانان و داخاکرنا مافێن خۆ، لێ ژئالیێ
هێزێن ئەمنی ڤە ڕێگری ل وان هاتە کرن و نەهێلا ژ گوندی بدەرکەڤن.
ئەڤە ددەمەکیدایە، د ڤێ مەهێدا چەندین جاران وەلاتیێن هەرێمێ ل دەڤەرێن
جودا جودا یێن هەرێمێ خڕڤەبوون ئەنجامداینە بسەدمێ کێمیا خزمەتگوزاریان و گرانیا
بهایێ کەلوپەلێن ژیانا رۆژانە و داخازکرنا مافێن خۆ.
