PM:02:52:27/08/2021
1404 جار خوێندراوەتەوە
+
-
ژێدەرەکێ نێزیک ژ موقتەدا
سەدری بۆ ئێن ئاڕ تی ڕاگەهاند، لڤینێن ئارمانجا پەشێمانبوونا موقتەدا سەدری ژ
پشکدارینەکرنێ د هەلبژارتنان دا دەستپێکرینە، دبێژیت ژی، "ئەڤرۆ پشتی دەمژمێر
چاری ئێڤاری سەدر دێ گوتارەکێ پێشکێشکەت".
ئەڤرۆ ئەینی، ژێدەرەکێ نێزیک
ژ موقتەدا سەدرێ رابەرێ رەوتا سەدر بۆ ئێن ئاڕ تی ڕاگەهاند، شاندەکێ حکومی حزبی ب
سەرۆکاتیا عەمار حەکیم و هاد عامری نوینەرێ بلندێ شیعەیان دێ سەرەدانا موقتەدا
سەدری کەن ل مالا وی ب ئارمانجا گۆتۆبێژن دەربارەی پێشهاتەیێن نوی.
وی ژێدەری ئاماژە ب وێیەکێ
ژی کر، ئامادەبوونا نوێنەرێ مەرجەعیەتێ دناڤ شاندی دا کارەکە بەریا نها نەهاتیە
روویدان نوینەر دێ نامەیەکێ گەهینیتە موقەتدا سەدری ب ئارمانجا پەشێمانبوونێ ژ
بڕیارا پشکدارینەکرنێ د هەلبژارتنێن بەروەختێن عێراقێ دا و قەبیلکرنا مەرجان.
بەریا نها، جنین بلاسخارت،
هنارتیا تایبەتا نەتەوێن هەڤگرتی ل عێراقێ د دەمێ بشکداریکرن د جڤینا جڤاتا
نەتەوێن هەڤگرتی دا گوتارەک دەربارەی رەوشا عێراقێ و ئامادەکاریان بۆ ئەنجامدانا
هەلبژارتنێن پێشوەخت، پێشکێشکر.
بریارە هەلبژارتنێن
بەروەختێن پەرلەمانێ عێراقێ ل ١٠ی تشرینا ئێکێ برێڤە بچن، کۆمسیونا هەلبژارتنان ژی
دبێژیت، ئامادەکاریێن تەکنیکی تەمامکرینە و ئامادەنە بۆ وێیەکێ هەلبژارتن د دەمێ
خۆ دا برێڤەبچن.