PM:06:11:04/08/2021
1868 جار خوێندراوەتەوە
+
-
مەلا مەزهەر خۆراسانی ڕاگەهاند،
حەرامە وەلاتی پارەیێن ئاڤ و کارەبێ بدەنە حکومەتێ کو ئەو قەردارا خەلکیە و قەرێن
خۆ نادەت.
ئەڤرۆ چارشەمبی، مەلا مەزهەر
خۆراسانی د بەلاڤکرنەکێ دا ب ناڤێ (فەتوایێن موفتیێ کوردستانێ) ئاماژە ب وێیەکێ
کریە، "بۆ مە وەلاتیان حەرامە پارەیێ کارەبێ و ئاڤێ ب گلاسێ بدەینە کەسەکی
یان حکومەتێ کو ئەو ب سەتل و قەلابەیان قەردارێ مە بیت و قەرێن مە نە دەت".
ل پشکەکا دی یا بەلاڤکرنا وی دا،
ب حەرامی د زانیت کو حکومەت پشتا خۆ بدتە مووچەخۆرێن خۆ و پارەیێ مووچەیێ بڕی و
پاشکەفتێ سالێن دەربازبووی نەدەتێ و دبێژیت، "ئەو کارە حەرامە و دروست نینە و
گونەهەکا مەزن و ئەشکەرایە".
ئەڤە ژی ددەمەکیدایە، حکومەتا
هەرێمێ چەند سالن نکاریە مووچەیێ فەرمانبەران ب تەمامی دابین بکەت ب گوتنا حکومەتێ
قەیرانا داراییە و پشکەکا زێدە یا مووچەیێ فەرمابەران پاشکەفتکریە، لێ ل مەها دەربازبووی
ل دەستپێکا نێزیکبوونا هەلبژارتنان بڕیارەکا نوی دەرئێخست بۆ پارڤەکرنا مووچەی ب
تەمامی.
دەمەکە فەرمانگەهێن کارەب و ئاڤێ
داخاز ژ وەلاتیان دکەن قەرێن وان بدەن و پشکەک ژ وەلاتیان ژی دبێژن، دەمێ حکومەتێ
قەرێن مووچەخۆران ڤەگەڕاندن ئەوژی دێ قەرێن ئاڤ و کارەبێ ڤەگەڕینن.