PM:11:00:08/02/2022
4444 جار خوێندراوەتەوە
+
-
پسپۆرەکێ بیاڤێ سەلامەتیێ ل سعودیە بناڤێ ئەحمەد شەهری ئاماژە ب
وێیەکێ کریە، نەنڤستنا ئێک ژ ئەندامێن خێزانێ هەتا درەنگی شەڤێ مفایەکێ مەزن هەیە.
ئاژانسا "سپۆتنیک" ژ زارێ وی پسپۆری ئاماژە ب وێیەکێ کریە،
نەنڤستنا ئێک ژ ئەندامێن خێزانێ هەتا درەنگی شەڤێ د دەمەکێ دا هەمی ئەندامێن دی
نڤستبن، بۆ ئالیێ سەلامەتیا خێزانێ گرنگە.
شەهری داخازکریە، کو خێزان دلگران نەبن لسەر وێیەکێ کو ئێک ژ ئەندامێن
خێزانێ هەتا درەنگ بمینیت هشیار و نەنڤیت و ب نەرێنی نەبینن، ژبەرکو ڤێ رەفتارێ
مفایەکێ مەزن دبیت و ئێک ژ ئالیێن ئەرێنی ئەوە کو دشێت چاڤدێریا هەمی ئەوان تشتا
بکەتن یێن ئەگەر هەنە مەترسیێ لسەر مالا وان دروست بکەن و ئاگەهدار ببن.
ئەوی پسپۆری گوتیە، ژینگەها مال د رۆژێن ئەڤرۆ دا مەترسیەکا مەزن
هەیە، ژبەرکو ئامیرێ کارەبێ و غاز تێدانە کو پتریا وان بەردەوامن لسەر کارکرنێ،
دگەل ئامیرێ گەرمکرنێ کو ناهێتە ڤەمراندن.
ژبەر وێیەکێ ئەگەر ئێک ژ وان ئامیرەیان رووبروویێ ئاریشەیەکا ژ نشکەکێ
ڤە ببیت وی دەمی ئەو کەسێ نەنڤستی دشێت ئەندامێن دی یێن خێزانێ ژ وێ مەترسیێ
ئاگەهدار بکەن.