PM:02:35:18/01/2022
1020 جار خوێندراوەتەوە
+
-
حوسیێن یەمەنێ ڕاگەهاند، د هێرشا دوهیدا بۆ
سەر ئەبو زەبی مووشەکێن بالیستی قودس -٢ و زولفیقار دروستکریێن ئیرانێ و بالەفڕێن
بێ بالەفڕڤان بکارئیناینە.
یەحیا سەریع پەیڤدارێ سەربازیێ
حوسییان ل تویتەرێ بەحس ژوێ هێرشێ کر یاکو دوهی کریە سەر ئەبو زەبیا پایتەختا ئیمارات.
یەحیا سەریع هێرشا سەر
ئیماراتێ ب ''باهۆزا یەمەن'' بناڤکر و بەحسا وێیەکێ ژی کر، بالەفڕخانەیا ئەبو زەبی
و سازیێن پەترۆلی یێن دەڤەرا موسەففەح ب موشەکا بالیستی قودس-٢ کرینە ئارمانج.
پەیڤدارێ سەربازیێ حوسییان،
یەحیا سەریع هەروەسا ئاماژە بوێ ژی کر، بالەفڕخانەیا دوبەی ب موشەکێن بالیستی زولفیقار
کرینە ئارمانج و ب بالەفڕێن بێ بالەفڕڤان سازیێن دی کرینە ئارمانج.
دوهی ژ ئەنجامێ هێرشا بالەفڕا
بێ بالەفڕڤان بۆسەر دەڤەرا موسەففەح ل ئەبوزەبیا پایتەختا ئیمارات، سێ تانکەرێن
سوتەمەنیێ تەقینە و ب وێ سەدەمێ سێ کەس هاتنە کوشتن و شەشێن دی ژی برینداربوون.