PM:02:32:17/11/2025
700 جار خوێندراوەتەوە
+
-
خەرجیێن سالا بهێت یا حەجیێن هەرێما کوردستانێ ب حەفت ملیۆن و ١٠٠
هزار دیناران کو دبیتە پێنج هزار و ٤٢
دۆلار، هاتنە دیارکرن و هەمی گەشت ژی دێ ب رێکا عەسمانی بن.
ئەڤرۆ دووشەمبی ، ڕێڤەبەریا گشتیا حەج و عومرەیا کوردستانێ، وان
وەلاتیێن دوهی ناڤێن وان د پشککێشانێ دا دەرچووی هایدار دکەت کو دشێن ل سوبەهی ڤە،
سەرەدانا نڤیسینگەها حەج و عومرەیا هەرێمێ بکەن ب ئارمانجا تەمامکرنا مامەلێن خۆ و
دانا خەرجیێن حەجێ.
دەربارەی پێدڤیان ژی بۆ دەستپێکرنا مامەلەیێن حەجێ، حەج و عومرەیا
هەرێمێ هایداریا وان کەسان دکەت کو ناڤێن وان بۆ حەجێ دەرچووی، پێدڤیە بڕێ پارێ
دیارکری بەرهەڤبکەن کو حەفت ملیۆن و ١٠٠ هزار دینارن دگەل پاسپۆرت و هەر ئێک ژ
کۆپیا رەنگ و ڕەنگا پاسپۆرتێ و کارتا نشتیمانی و کارتا زانیاری د لایەکی لاپەڕی دا
بهێتە کۆپیکرن.
حەج و عومرەیا هەرێمێ تەکەز کر ژی کو داوی دەم بۆ وەرگرتنا مامەلەیان
و خەرجیێن حەجێ رۆژا پێنجشەمبی بەرواری ٢٧ـی ڤێ هەیڤێیە.